Colabora: Investigación sobre acoso escolar e risco de suicidio

SE TÉS MENOS DE 25 ANOS, PARTICIPA NESTE ESTUDIO FUNDAMENTAL PARA A SAÚDE DOS E DAS XÓVENES

Dende a Área de Educación da FELGTB e a Comisión de Educación de COGAM estase a levar a cabo unha investigación có fin de coñecer a vinculación entre o acoso escolar homofóbico e o risco de suicidio en adolescentes e xócnees lesbianas, gais e bisexuais.

Tratase dun tema que ata o de agora invisibilizase, ocultase tratando de non asumir esta dificil realidade.

A enquisa é totalmente anónima e confidencial. Para respostar tes que ter un máximo de 25 anos e vivir en España.

A túa resposta axudará a coñecer de primeira man a realidade da xuventude LGB.

Non leva máis de 15 minutos, grazas, por adiantado.

Link enquisa:

https://docs.google.com/spreadsheet/viewform?hl=es&pli=1&formkey=dHM3UFJPODRJWThXM1J5S0xiNjYtSkE6MQ#gid=0

Retrátate ante o VIH

Retratate ante o VIH

Neste link podedes atopar unha acción sencilla pero importante para a loita contra a discriminación e a estigmatización das persoas con VIH.

Todxs coas nosas fotos sumamos e podemos facer unha marea de apoio, de solidariedade, unha marea de concienciación e de visibilidade.

Cumplense 30 anos dende o primeiro diagnóstico de VIH e non deixan de incrementarse os novos casos, especialmente entre homes que teñen sexo con homes. Cada ano producense novas infeccións, saltando as alertas no incremento de novas infeccións en rapaces menores de 20 anos. Este incremento pode verse debido a que a percepción do VIH/sida como unha enfermedade crónica fai que se baixe o coidade ante as relacións de risco e na realización da proba do VIH.

Precisamos de medidas que den unha resposta clara e contundente ante esta situación, as medidas tomadas ata o de agora (principalmente campañas informativas carentes de apoio educativo) non foron suficientes....ademáis das novas infeccións, temos que recordar que o VIH sobreapasa o ámbito sanitario incidindo gravemente no ámbito social das persoas que o portan, un estigma asociado ao VIH que fai que moitas persoas do noso entorno vivan discriminadas. Isto debese, unha vez máis, ao descoñecemento por parte de todas e todos da infección, ao silencio que ahi ao seu redor, a falta de accións educativas que rompan esta estigmatización que soamente funciona como unha barreira máis para a prevención e o control da infección, retrasando en moitos casos o diagnóstico, elevando os costes sanitarios, sociais e persoais.

E por todo isto, que dende Nós Mesmas exisimos ás autoridades sanitarias e educativas unha maior incidencia e un maior compromiso coa loita contra o VIH, e que esta non se quede en simples campañas con preservativo incluido (pero que non as quiten tampouco! que repartan máis e de balde! sempre de balde!!). E solicitamos todo o apoio por parte da sociedade neste día e no resto do ano.

Falemos abertamente do VIH/sida, informémonos, formemos a outrxs....e visibilicemos que é unha realidade cercana.

SE O VIH NON DISCRIMINA, NON O FAGAS TI.

“PARA CAMBIAR O MUNDO, ACABAR COA VIOLENCIA MACHISTA”

MARCHA MUNDIAL DAS MULLERES

Día Internacional contra a Violencia Machista

25 de novembro de 2011

Dise do Feminismo que é a revolución silenciosa do século XX. Mais non podemos dar a razón a quen afirma que esta é unha revolución sen sangue. Neste novo século, como no anterior, esta revolución segue a engrosar a súa listaxe de mártires.

Desde a dereita política, mediática e relixiosa, fálase dunha perda dos valores da familia. E así é. O seu modelo de familia está en crise. Cada dia mais persoas aspiran a modelos de convivencia e afecto, máis democráticos que o seu modelo patriarcal. Cada dia mais mulleres e mais homes aceptan outros valores de convivencia: a igualdade, a corresponsabilidade, a cultura do diálogo, dos acordos...

Mais tamén quedan moitos homes, organizacións políticas, relixiosas e sociais, que se resisten ao cambio. A pandemia da resistencia machista mostra repuntes no poder xudicial ( actuacións en Sevilla e Murcia), no poder político (Lei da Familia do Parlamento Galego), nas institucións académicas (teoría do Síndrome da Alienación Parental), nas educativas (louvanzas á segregación por sexos), nas relixiosas (carta pastoral do bispo de Granada)... mentres se vai conformando un cambio político e económico que está levando aparellado unha perda importante de dereitos fundamentais, e un ataque sen precedentes aos servizos públicos, que en moitas ocasións aseguraban o exercicio deses dereitos. Un cambio político cuxos protagonistas aspiran a abolir leis que supuxeron logros importantes na vida de moitas mulleres e homes, a Lei de Igualdade, a Lei Integral contra a Violencia Machista, a Lei do Aborto, as reformas no Código Civil que igualan en dereitos ás persoas sen distinción da súa opción sexual.

O sistema económico, que nestes dous últimos anos acelerou a súa voracidade engulindo recursos públicos e impoñendo un modelo social de competitividade, acumulación e usura, impón ao poder político, recortar e abolir todas aquelas políticas de igualdade encamiñadas a previr a violencia machista, á atención ás vítimas e á concienciación da sociedade. Políticas que desde o Feminismo avaliabamos como insuficientes, pero que marcaban o camiño que había que encetar para conseguir arrincar o machismo das nosas vidas.

Cada día, diante do asasinato dunha muller a mans do seu ex marido, ou do seu compañeiro, as autoridades condenan os feitos, a veciñanza manifestase rexeitando a agresión e pedindo xustiza,preguntándose por que continua engrosándose esta tráxica lista de mulleres vítimas da violencia machista. Un feminicidio que vai marcando cada dia mais aldeas, vilas e cidades, no mapa dos asasinatos machistas.

As mortes por violencia machista, por moi inexplicables que parezan, non son actos illados, fortuítos, senón que obedecen a unha cultura patriarcal no que as mulleres non teñen dereito a decidir sobre a súa vida. Son a reacción violenta de quen se cree posuidor dun ben, dunha propiedade, ou dunha escrava.

A solución non é doada e necesita do compromiso de todos e de todas, porque precisa de cambios profundos dado que o machismo está enraizado na nosa sociedade e non estamos facendo o preciso para desbotalo.

Ao feminismo non nos asusta continuar coa nosa responsabilidade e activismo na loita contra a violencia machista...non queremos que se volva ao pensamento de que a violencia machista son “os trapos sucios que hai que lavar na casa”.

Queremos concienciar sobre as estruturas sociais que alimentan e reproducen o machismo.

Queremos deixar claros os vínculos que existen entre a desigualdade e a violencia machista.

Queremos facer reaxir á sociedade ante a perda de dereitos e ante o desmantelamento de servizos públicos.

EN NOME DE TODAS AS MULLERES ASASINADAS CANDO PRETENDIAN RECONQUISTAR A SÚA PROPIA VIDA E POR TODAS ÁS QUE ESTAMOS A SUFRIR VIOLENCIA NON PODEMOS CONSENTIR NINGÚN PASO ATRAS.

25 DE NOVEMBRO DE 2011

A Marcha Mundial das Mulleres convida a participar nos actos programados en Vigo, polo Día Internacional contra a Violencia Machista baixo o lema:

“PARA CAMBIAR O MUNDO, ACABAR COA VIOLENCIA MACHISTA”

Vigo

Xoves 24 e venres 25 de novembro "Museo interactivo contra a violencia machista". Diante do Marco.

25 de novembro de 2011, venres às 20:00 h. Manifestación desde a Farola de Urzáiz

X Xornadas Xóvenes contra a LGTBfobia, en Madrid

Dende a Área Xóven da FELGTB organizamos as X Xornadas de Xóvenes contra a LGTBfobia que terán lugar en Madrid do 28 ao 31 de Outubro.

Estas xornadas son un espacio de formación que organizase este ano dende a Area Xoven da FELGTB có colectivo Arcópoli UCM. E nesta ocasión coñeceremos ás experiencias de traballo e reivindiación da historia do movemento LGTB en torno a saúde e a consecución do matrimonio entre persoas do mesmo sexo, compartir experiencias persoais entre xóvenes pondo especial atención aos casos de discriminación dos xóvenes LGTB de zonas rurais e dotandonos de ferramentas persoais para foralecer o noso autoconcepto persoal e grupal.

Estas xornadas están abertas a xóvenes pertencentes a asociacións LGTB, a xóvenes doutras entidades de carácter xuvenil que queiran formar redes para a loita contra a lgtbfobia.

Dende Nós Mesmas participaremos con Raquel Cordeiro como relatora na mesa sobre a realidade LGTB no mundo rural.

Toda a información a podes atopar no Blog de las X Jornadas

Para máis información ou dúbidas contactade connosco no 647774051 ou por correo a nosmesmas@felgtb.org

Teatro da Oprimida, organizado dende a Marcha Mundial das Mulleres

As mulleres da Marcha Mundial das Mulleres queremos convidarvos a participar no obradoiro de Teatro da Oprimida que terá lugar nos días 21, 22 e 23 de Outubro no Centro Social de Valladares

Para formalizar a inscrición é preciso enviar a FICHA (clica para descargar) a marchagaliza@gmail.com ou contactarnos directamente no 698159764 ata o Venres 14 de Outubro (Prazas limitadas).

Que é o Teatro da Oprimida?

O “Teatro da Oprimida” comeza nos anos 60 no Brasil impulsado principalmente polo dramaturgo, director e teórico de teatro Augusto Boal, nacido no Río de Xaneiro en 1931. Nun contexto histórico de represión política, Boal buscou sempre loitar contra todas as formas de opresión, desenvolvendo na súa loita a favor das exploradas e oprimidas a través de un teatro de cuño político, libertario e transformador.

Tratase de unha forma de Teatro, entre tantas outras, no entanto, diferénciase por asumir que todas somos e actrices e que o público debe ser o protagonista da acción teatral, o que lle da un carácter extremadamente innovador, creativo e, sobre todo, democrático e participativo.

Cales son os obxectivos?

A través das técnicas do Teatro da Oprimida exploraremos as diversas situacións de opresión en que as mulleres desenvolvemos a nosa vida diaria.

Con este obradoiro procuramos: espazos de reflexión, debate e acción dende unha perspectiva feminista; explorar a creatividade e a imaxinación; potenciar a capacidade de resolución de conflitos; profundar na capacidade de acción colectiva e cooperativa e capacitar para unha cidadanía transformadora.

Sandra Silvestre, compañeira da Marcha Mundial das Mulleres en Portugal e con ampla experiencia na pedagoxía e educación social e popular da perspectiva feminista, levaranos por un camiño de reflexión interna e externa cara a conscientización das nosas realidades e toma de accións transformadoras.

Outras informacións:

Prezo de compromiso: 10€ por persoa, 5€ estudantes e desempregadas e 15€ prezo solidario.

Para chegar ata o CS de Valadares organizarémonos en coches ou utilizaremos o transporte urbano (C7.Saída da Praza dos Cabalos cada 30 min. o venres e cada 45 min. o sábado e o domingo)

BIsible=BIsexual. Día Internacional da Visibilidade Bisexual.

Son BIsexual, son BIsible.

E baixo este lema queremos recordar que non temos que dun lado ou outro, que rexeitamos o dicotomismo social no que nos ensinan a encaixar, que son bisexual e sinto atracción sexual, emocional e/ou romántica hacia persoas de calquer sexo e/ou xénero, non necesariamente da mesma maneira, ao mesmo nivel ou coa mesma intensidade.

Por cuarto ano a nivel estatal e terceiro no noso caso, reclamamos unha sociedade libre de bifóbia. Bifóbia que exteriorizase de moitos xeitos, dubidando da lexitimidade da nosa orientación, invisibilizandonos queréndonos enmarcar nunha ou noutra orientación, tratandonos como indecisos e identificandonos con conductas que nada teñen que ver con nós (promiscuxs, infieis, portadores de ITS....)

Dende Nós Mesmas organizamos unha pequena Mostra BIsible=BIsexual onde facemos un breve recorrido mostrando algúnha das persoaxes públicas, históricas e actuais, que fixeron pública a súa bisexualidade.

<> Esperanza Montero

Artigo na Revista MiraLes

Atopamos nesta Revista dixital un espazo para a visibilidade lésbica, feito dun xeito dinámico e aberto a participación. Dende unha reflexión sinxela, sen chegar a profundizar en demasia, pero dende unha óptica cercana, tentan rachar có normativo, coa uniformidade (é heterocentrismo) das revistas "femininas" da rede e presentan un amplo abanico de reportarxes, artigos, ofertas culturais, blogues lesbicos...

Deixamos o link www.mirales.es onde ademáis podedes atopar un artigo na sección "Yo no soy lesbiana..." de Eli, integrante de Nós Mesmas, do mes de xullo,

Esperamos que vos guste!