VI Xornadas Tratamento da Diversidade Afectivo-Sexual e de Xénero nas aulas

 

Presentamos a VI edición das Xornadas de Tratamento educativo da diversidade afectivo-sexual e de xénero nas aulas organizadas pola Asociación Nós Mesmas.

Nestas xornadas abordaremos contidos e compartiremos experiencias e prácticas educativas que se están a desenvolver en diferentes centros educativos co obxectivo de formar á comunidade educativa de forma preferente, pero con interese para futuros profesionais da educación, así como a psicólogxs, pedagogxs, integradorxs sociais…e aquelas persoas motivadas en adquirir formación para introducir a diversidade afectiva, sexual, de xénero e familiar na súa labor con menores e mocidade para a inclusión da diversidade e a prevención da discriminación por LGTBIfobia.

Día: Sábado, 10 de decembro, 2022

Horario: 10 a 14h e de 16 a 20.30h

Lugar: Salón actos AVV de Navia Emilio Crespo, Rúa Bravo, 6, 36212 Vigo, Pontevedra

INSCRICIÓNS: 

70 prazas, con preferencia para profesorado da educación pública e concertada de Galicia (persoal fixo, provisional, interino e sustituto).

Aprobada a homologación previa da actividade por parte do Servizo de Programas de Formación, da Dirección Xeral de Centros e Recursos Humanos da Xunta de Galicia

Inscrición aberta

As prazas otorgaránse priorizando ao profesorado activo na educación pública e posteriormente por orde de inscrición ata o día 05/12/2022, contactaremos a través de correo ou por tlf  para informar da praza asignada e disporá de 1 días hábil para CONFIRMAR A ASISTENCIA, no caso de non confirmarla, a praza pasará as persoas en lista de espera.

PROGRAMACIÓN:
09:30h.    Apertura acreditacións.
10:00h.    Apertura das xornadas.10:05h. Roberta Mattia, De 2009 a 2022, a aposta de Nós Mesmas pola diversidade nas aulas

10:30h.    Beatriz Súarez Briones, Afondamos na Teoría Queer.
11:30h.    Alejandro Alder, Consecuencias do bullying lgtbifobico para a mocidade
12:30h.    Pausa Café.
13:00h.    Lara Boubeta, Traballamos a diversidade desde primaria. 
16:00h.    María Rodriguez, Presentación Investigación Profesionais LGTBI no eido educativo da FELGTBI+
17:00h.    Carla Miguez, Linguaxe inclusiva máis alá do desdobramento: como naturalizar a linguaxe non binaria nas aulas
18:00h.    Pausa Café.
18:30h.    David Armenteros e Nee Barros, Integramos a diversidade en Secundaria
20:00h.    Actuación peche     

Coñece o noso blog de educación e descarga recursos educativos: querosaberporqueblog.wordpress.com

Actividade subvencionada pola:

Ler máis

A mocidade LGTBI+ e as súas interseccións: discriminación racial e etnica

 Dentro do proxecto Mocidade LGTBI+, Presente! que conta co apoio da Deputación de Pontevedra, tivemos onte o segundo obradoiro para o que contamos coa participación da Técnica do programa SAOVDRE, Lucía Cruces, de Red Acoge. 

Nesta charla-obradoiro falouse sobre que é a discriminación (en particular por motivos raciais ou étnicos) e que implica, sobre os incidentes discriminatorios aos que está exposto o colectivo migrante, e ofrecéronse recursos e ferramentas para combatila.

Abordamos a interseccionalidade do colectivo LGTBI cando ademais é atravesado pola súa etnia, raza ou incluso, lugar de orixe, plantexándonos que podemos facer nos como mocidade para evitar que esta discriminación se perpetúa. 

Esta actividade conta co apoio da Deputación de Pontevedra:

Ler máis