Mocidade LGTBI+, presente!! Comeza unha nova edición

 

Que te ofrecemos?

Un espazo seguro, onde ser ti misme e poder resolver as túas dúbidas, recibir asesoramento sobre as cuestións que te atañen, ser acompañade nos trámites que precises, etc. 

Ademais de poder participar no Grupo de apoio Entre Iguais, onde coñecer máis xente nova LGTBI+, falar e debatir das túas inquedanzas.

E que tramamos?

Posi temos preparados diferentes encontros de debate, obradoiros e noites de lecer alternativo!!!

Este proxecto o desenvolvemos de setembro a decembro, así que moi atente ás nosas redes sociais para coñecer as actividades, datas e proceso de inscrición!! 

Contaremos con Nuria Vil, Nenaza e Nee Barros entre outres! Non volo perdades!

Este proxecto está parcialmente financiado pola: 

Ler máis

 

🗣🏳️‍🌈Orgullo Crítico LGTBI+ Vigo 2022🗣🏳️‍🌈

        Volta con  máis forza o Orgullo organizado por Nós Mesmas, despois de dous anos complicados, coas medidas sanitarias e as restricións, por fin este ano vemos como mellorou a situación e xa non temos as restricións que nos impediron ocupar máis e mellor as rúas. Inda que nin o Covid foi quen de para a loita do colectivo LGTBI+ e de reivindicar unha data tan importante como é o Orgullo.

Como levamos facendo máis de 13 anos o Orgullo Crítico recopmpila actos culturais e de sensibilización que reivindican e visibilizan a realidade LGTBI+, unha realidade na que constatamos un crecemento das agresións o colectivo nestes últimos anos. Por elo queremos retornar con máis forza e alegría que nunca, reivindicando que as rúas tamén son nosas, ocupando os espazos públicos, volvendo a ter unha festa para bailar o son dos nosos dereitos. Xuntes , da man, amosamos sen medo o noso Orgullo a ser e a amar.

Achegamos a previsión do programa deste ano, e queremos que sexades partícipes máis ca nunca, acudindo as actividades que serán abertas e de balde, sexamos unha marea de cores. 

Para que todas as actividades saían adiante e de balde para todes necesitámoste!

Compra a túa Entada da FILA 0💜 (pulsa aquí)

Como todos os anos presentamos o programa a subvención de Igualdade do Concello de Vigo, do cal só financiaría unha parte moi pequena dos actos. A maiores buscamos a cooperación para cesión de espazos e contamos con merchandaising que xa temos na nosa sede. 

Necesitámosvos, máis ca nunca, volvemos contar coa colaboración de Entrapolis para a venda de Entradas Fila 0.  Temos entradas para todos os petos, onde realizas unha compra simbólica, non reserva butaca, é unha doazón para colaborar coa organización do Orgullo, lembramos que todos os actos son de balde e gratuítos pero coa túa doazón é posible realizalos.

Programación Orgullo Crítico LGTBI Vigo 2022:

11/06_20h Performance sobre a formación da identidade de Sofía González Castro persoa non binarie, en Príncipe fronte ao Museo Marco. Con mesa informativa de Nós Mesmas
14/06_19:30 Presentación libro Memoria Diversa e coloquio coa autora, Eva Mejuto e protagonistas do libro no Museo Marco.

16/06_20h Inauguración da exposición Retratos Diversos de Cris Sicilia, con actuación de Sara Casas,  Casa das Mulleres

17/06 _18:30 Documental Bienvenidos a Chechenia e coloquio,coorganizado con Amnistia Internacional  terá lugar no Salón actos Sede AFundación

18/06 _11:30Pedalada con Orgullo, por unha cidade diversa e accesible! saída Paseo Alfonso XII e rematamos no vermú Transmaricabibollo para unirnos á festa.
18/06:12:30 Vermú Transmaricabibollo, Praza da Ribeira do Berbés
22/06_19:00 Documental Persoas S.A. e coloquio posterior. Coorganizado con Mulleres e Palabras no  Museo Marco 

26/06 Un día en familia, con actividades para as crianzas no Monte do vixiador 
28/06_20:00 Performance "Nos estan matando" de Xoel Ariezzz na Praza da Constitución con mesa informativa de Nós Mesmas
02/07_20:30h Manifestación "Contra as violencias, valentes e libres" Saída do Cruce Vía Norte.
02/07 Festa DiversXs en A Praza da Pedra: 
Actuación de Meiga-i
Concerto de O Rabelo
Dj Lakenobaila
Para consultar toda a información sobre cada evento presta atención as nosas redes sociais!
Pouco a pouco iremos actualizando a programación!!

Colabora para poder hacerlo posible. Fai o teu donativo:

Compra a túa Entada da FILA 0💜 (pulsa aquí)

Coorganizado con:

                 

Coa colaboración de: 

Coa subvención de: 

Ler máis

MOCIDADE LGTBI+, PRESENTE! Atención, asesoramento, encontros, actividades e moito máis!!

 

Se tes entre 16 e 30 anos, este é o teu espazo!

Un lugar propio onde poder informarte, despexar dúbidas, asesorarte sobre os temas que máis te interesan ou preocupan! Sexualidade, ITS, acoso escolar, tránsito, saída do armario, agresións ou discriminación...pero tamén sobre axudas e programas para mocidade nos que inscribirte, cursos e formación...

Ademais poderás participar nun montón de actividades, obradoiros e encontros que temos preparados, pasalo ben e coñecer máis xente nova! 

Contáctanos! 

Pasa pola sede en R/Torrecedeira, 26, baixo ou chama/whatsapp ao 722286300. Tamén podes enviarnos un correo a nosmesmas@felgtb.org

Programa subvencionado pola: 

Ler máis

O servizo de atención psicolóxica na prensa

 

O Servizo de atención psicoloxica comezou a andar fai catro anos, de forma gratuíta e desenvolvese entre os meses de maio e setembro, podes solicitar cita previa a través do correo nosmesmas@felgtb.org

Contar con atención psicolóxica para o colectivo LGTBI é unha necesidade que en Nós Mesmas temos presente desde fai moitos anos, unha atención de calidade, especializada en sexualidade e na atención á identidade, cercana, sen tempos de espera eternos e de balde.

Maila a súa necesidade, carecemos das posibilidades de manter o servizo profesionalizado todo o ano, polo que esta segue a ser unha necesidade vital para o colectivo LGTBI de toda a provincia polo que seguiremos traballando para conseguilo.

No ano 2020, este servizo deu atención a máis de 25 persoas, menores e adultxs lgtbi, familias e profesionais que precisaban apoio ou asesoramento. Se queres información sobre o mesmo, non dubides en contactarnos.

Ler máis

Programación Orgullo Crítico LGTBI+ Vigo 2021

Chega o mes do Orgullo Crítico LGTBI Vigo 2021!!!! 

O Orgullo Crítico que organizamos desde Nós Mesmas, recompila actos culturais e de sensibilización que reivindican e visibilizan a realidade LGTBI, e como non pode ser doutra forma, este ano centrámosnos en visibilizar a realidade das persoas trans e en reivindicar unha lei integral trans! 

2021 está sendo, ao igual que ano anterior, un ano compricado, con medidas sanitarias que preveen novos contaxios e que limitan as actividades, os aforos, os tempos...aínda así, non quixemos renunciar a seguir reivindicando unha data tan fundamental como é o Orgullo, por iso, presentamos a programación que con tanto amor e traballo organizamos para este ano: 

10/06 18.30h Pregón, Museo Marco (rúa)

10/06 19h Coloquio Movementos sociais ás marxes, con Abrir Fenda, Bloque Obreiro e Xacia Ceive de Sete Outeiros, Museo Marco (aforo limitado sen inscrición)

15/06 19.30h Faladoiro con Mª Reimondez sobre Cobiza, actividade coorganizada coa Asociacion Mulleres e Palabras, Museo Marco (aforo limitado sen inscrición)

19/06 19h Documental Vestida de azul e coloquio posterior cunha das protagonistas, Nacha La Poderosa, Auditorio Teis (aforo limitado sen inscrición)

22/06 19.30h Memorias da Galicia LGTBI con Eva Mejuto e Daniela Fernández, Museo Marco (aforo limitado sen inscrición)

25/06 19h Documental Noite Irisada e coloquio posterior con Nanina Santos, Xosé Buxán e Beatriz S. Briones; Museo Marco (aforo limitado sen inscrición)

26/06 11.30h Pedalada por unha cidade diversa e accesible (inscrición previa aquí)

27/06 12.30h Un día en familia, Monte do vixiador (inscrición previa aquí)

28/06 20h Manifestación "Os dereitos humanos non se negocian, lexíslanse: Lei Integral Trans Xa!" Saída de Praza dos Cabalos.

Peche do Orgullo, actuación Petra Porter! 

Para facer todo isto posible, precisamos de colaboración económica. 

Como todos os anos, presentamos o programa a subvención de Igualdade do Concello de Vigo, que esperemos financie unha pequena parte dos actos, a maiores, buscamos a cooperación doutras institucións que nos cedan espazos e contamos con merchandaising que podes facerte con el na nosa sede. 

Este ano, a maiores, contamos coa colaboración de Entrapolis para a venda de Entradas Fila 0. Esta entrada é unha compra simbólica, non reserva butaca, é unha doazón para colaborar coa organización do Orgullo, todos os actos organizados son gratuítos e abertos.

Coorganizado con: 

Coa colaboración de: 

Coa subvención de: 

Ler máis

Hemeroteca LGTBI+ online

É fundamental que coñezamos a memoria histórica do colectivo LGTBI+, saber de onde vimos, quen precedeu a nosa loita, que camiños abriron e cales seguen sendo as batallas que veñen de atrás

Nos seguintes enlaces podes atopar revistas e novas das décadas 90´s, 00´s e 10´s, cedidas por Susho Muiños e Esteban Souto, aos que lles agradecemos ternos cedido todo este material

Esperamos que, estes pequenos retazos de historia, sexan do teu interese!!!

Índice hemeroteca

Revistas:

-S`Homos 1                                                                               -CGC, CLI, CCGL 

-S`Homos 3                                                                               -ELAS, ALAS, ELES

-S`Homos 4                                                                               -Día Del Orgullo 1992                                

-S´Homos 5                                                                               -Enboga 1

-S´Homos 6                                                                               -Enboga 3

-S´Homos 7                                                                               -Enboga 4

-S´Homos 9                                                                               -As mas perralheiras 2

-S´Homos 11                                                                             -As mas perralheiras 1

Novas xornais: 

-1999

-2000

-2001

-2002

Ler máis

IV Xornadas Tratamento da Diversidade Afectivo-Sexual e de Xénero nas Aulas

 

Pasou un ano e xa están aquí as IV Xornadas de Tratamento da Diversidade Afectivo-Sexual e de Xénero nas Aulas.

Este ano cambiamos formato e adaptándonos a situación actual, desenvolveránse online, a través de Zoom. O que non cambia é a calidade das intervencións e das experiencias prácticas que nos compartirán diferentes profesionais do eido socioeducativo.

Contaremos con 3 ponencias marco e 3 experiencias prácticas que nos aportarán coñecementos sobre como integrar a diversidade afectiva-sexual e de xénero na nosa práctica educativa, ben como profesorado, educador/a, monitor, psicólogo...

Susana Guerrero Salazar (Univ. de Málaga), Melani Penna Tosso (Univ. Complutense de Madrid) e Pau-Eloy García (Transdiversia) afondarán nas identidades trans, na educación e na linguaxe inclusiva como ferramentas da práctica educativa e a formación teórica se completará coa experiencial da man de Cristina Pérez-Sánchez (Algarabía), Luz Beloso (IES As Barxas) e Carlos Tejo (Univ. de Vigo) que compartirán as súas experiencias traballando diferentes proxectos nos seus centros educativos. 

Para inscribirte nas xornadas preme aquí e consulta a  programación completa.

Subvenciona: 

Ler máis

Orgullo Crítico LGTBI+, actos 2ª semana e 28 de xuño!

Entramos na última semana, a carreira final antes do 28 de xuño, día do Orgullo LGTBI+

Queres saber que facer para estos días? 

25/06 
-20h Webinar "Orgullo(S) Crítico(S)" coa participación do Orgullo Crítico de Madrid e do Agrocuir da Ulloa.
Enlace para conexión e normas clicando AQUÍ 

26/06 

-18.30h Orgullo de Emerxencia na Porta do Sol

Porque a crise creada polo Covid 19 acentúa a desigualdade estructural que xa existía facendonos máis vulnerables. 

Punto de rúa para a recollida de productos de primeira necesidade (alimentos, hixiene e limpeza) para manter o apoio que se lle brinda a 30 unidades familiares desde o inicio do confinamento.

-20h Pasarúas Batucada Feminista

27/06
-12.30h Un día en familia. Monte vixiador.
Trae o teu xantar e comparte un día no monte con máis familias LGTBI. 
Contaremos con 2 monitoras de tempo libre que organizarán actividades para as crianzas. Confirmar asistencia 685.475.622 ou nosmesmas@felgtb.org

-13h Pregón do Orgullo, da man da Rede educativa de apoio LGBTIQ+ de Galicia.
Sigueo nas nosas redes sociais.

-19h Orgullo Simbólico. Praza da Pedra
A Praza da Pedra sempre acolle a conmemoración do Orgullo, este ano non pode ser, pero convidámoste a que, durante todo o día, deixes o cartaz que levarías a mani do Orgullo na Praza da Pedra, pegao na baranda, deixao apoiado na parede, nos bancos...

-22h Orgullo tamén é festa! Canal YouTube Asociación Nós Mesmas
Pinchada online das DJ VFuturo @lo_futuro e Ana en Pecado @anaenpecado
*Retrasamos a pinchada para asistir a Manifestación Antifascista das 20h

28/06 
20h PEDALADA DO ORGULLO saída Paseo de Alfonso XII

Este ano cambiamos o formato da manifestación debido a situación sanitaria provocada polo COVID 19 asegurando as medidas de distanciamento e para levar o Orgullo máis aló do centro da cidade utilizando a bici como medio de transporte viable para Vigo.

Abrirá a pedalada un vehículo con megafonía, as bicis deberán ir sempre detrás. 
O percorrido será por tramos. Podes inscribirte en todos os tramos que queiras.
 Despois de cada tramo farase unha parada na que podes deixar a pedalada ou unirte. 

INSCRÍBETE AQUÍ E CONSULTA AQUÍ A RUTA

21.30h CONCENTRACIÓN ORGULLO CRÍTICO LGTBI+ VIGO 2020 na Porta do Sol
Ao finalizar a pedalada, realizaremos a concentración e lectura do manifesto na Porta do Sol. 
Concentración convocada por Avante LGBTI Vigo e Nós Mesmas.

Ler máis

Programación Orgullo Crítico LGTBIQA 2020

Ler máis

Memoria anual 2019

Clica aquí para ver a Memoria anual 2019 de Nós Mesmas

Ler máis

Entre NÓS, Grupo de acompañamento e crecemento para homes GBTI+

NÒS nace coa intención de facilitar, fomentar e conformar un grupo onde os chicos e homes GTBI+ atopen un lugar onde expresar as súas necesidades, intereses, dificultades… 

Onde poder compartir o noso proceso vital nun lugar de igualdade e respecto, coa comunidade como respaldo. Onde poder observar o que preciso na miña vida, neste momento, e que teño ao meu alcance para poder conseguilo. 

Onde poder descubrir á comunidade GTBI+ que nos acolle e decidir como quero/podo formar parte da mesma.

Este grupo xurde da proposta do que será o acompañante destas sesións, Iván Fernández, terapeuta Gestalt especializado no acompañamento de procesos personais e grupais de crecemento persoal a través da terapia Gestalt, como o grupo de exploración terapéutica acerca da e sobre a masculinidade, Lugar de Home. 

O grupo desenvolverase a través de sesións grupais, os luns ás 19.30h, comezando o 11 de novembro, con frecuencia quincenal na sede de Nós Mesmas, sendo ideal que os participantes manteñan un compromiso mínimo de participación que será comentado na primeira sesión pola cohesión grupal e para valorar resultados.

Para inscribirte podes chamar ao  661 536 263 ou mandar un correo a nosmesmas@felgtb.org

Ler máis

Punto Arco da Vella, nas festas #RespectoADiversidade!

As festas son espazos nos que todas as persoas imos a disfrutar, pasar un bo rato, coñecer xente, vivir novas experiencias...en moitas ocasións estas non son un espazo seguro. 

Desde o propio movemento feminista naceron fai anos os grupos de autodefensa e os puntos lilás, recollemos o seu bo facer para facer fronte a unha lacra, a LGTBIfobia, que ten a súa raíz, igualmente, no machismo.

O Punto Arco da Vella está atendido por profesionais formados en xénero, diversidade afectivo-sexual e igualdade, persoas do colectivo que se visibilizan e empoderan para:

- Concienciar e visibilizar o compromiso social e o rexeitamento comunitario cara a discriminación por LGTBIfobia.

- Informar, asesorar e repartir material de prevención ante o VIH e outras infeccións de transmisión buco xenital.

-Previr posibles agresións e situacións de discriminación.

- Garantir o normal desenvolvemento das festas e das persoas que estan na mesma.

- Dar atención, apoio e asesoramento ás posibles vítimas de acoso, agresións ou discriminacións de carácter LGTBIfóbico.

- Asesorar en materia de diversidade ás empresas ou organismos organizadores do evento.

Ler máis

Cambio horario do Servizo de Orientación, formación e asesoramento social e laboral.

Nos meses de xullo e agosto cambiamos o noso horario de atención, podes atoparnos de 

luns a venres de 8 a 16h 

Recorda solicitar cita previa nos tlfs 722286300 ou  627736965 e no correo nosmesmas@felgtb.org

  

O  Servizo de Orientación, formación e asesoramento social e laboral a mulleres LBT é un servizo gratuíto, de atención individualizada, onde poderás informarte e recibir o apoio que precisas.

- Mellora da empregabilidade: recibe formación práctica para adquirir as competencias laborais que máis se adaptan ao teu perfil e ao mercado laboral.

-Atención laboral: procura do teu primeiro emprego, elaboración de CV e cartas de presentación, formación para a procura de emprego, asesoramento sobre formación e reciclaxe profesional, utilización das novas tecnoloxías na procura de emprego, etc

-Atención social: información e asesoramento sobre recursos dispoñibles, asesoramento sobre reproducción asistida, filiación, proceso de tránsito, cambio rexistral, etc

contáctanos!!!

Ler máis

Resumo atencións 2018

Despois dun ano máis de traballo aquí vos deixamos unha pequena infografía que recolle parte das nosas accións desenvolvidas no 2018. Esta información reflicte as atención realizadas na nosa sede, así como a través do correo electrónico ou da liña de teléfono, sendo atendidas na súa maior parte polo equipo de voluntarias de Nós Mesmas.

Se queres ver a Memoria de actividades de 2018 completa clica aquí

Todas estas accións deseñanse, organizanse e levanse a cabo grazas a todas as persoas voluntarias que fan posible Nós Mesmas. Organizanse nas asambleas e xestionanse en diferentes grupos de traballo, se queres coñecer máis sobre como traballamos, se te gustaría participar e por da túa parte, contáctanos no correo nosmesmas@felgtb.org ou no tlf 627736965 e informámoste!!

Ler máis

II Xornadas Tratamento educativo da diversidade afectivo-sexual e de xénero nas aulas

A Asociación Nós Mesmas leva 10 anos introducindo a diversidade afectivo-sexual e de xénero nas aulas, impartindo charlas e obradoiros a alumnado de todos os niveis educativos e facilitando ferramentas e recursos pedagóxicos ao profesorado para traballar o respecto pola diversidade no día a día dos centros educativos.

Estas actuacións no eido da educación, se complementan coa II edición destas Xornadas de Tratamento educativo da diversidade afectivo-sexual e de xénero nas aulas que brinda coñecementos e comparte experiencias prácticas para levar a cabo o mandato legal de introducir o recoñecemento da diversidade afectivo-sexual e de xénero como un dos obxectivos do sistema educativo, polo que está destinada ás e aos actuais e futuros profesionais da educación, así como a psicólogos, pedagogos, educadores sociais...e aquelas persoas motivadas a adquirir formación na educación en valores, en introducir a diversidade afectivo-sexual na súa labor con menores e na prevención da discriminación por razón de orientación sexual e/ou identidade de xénero.

Día: Sábado, 1 de decembro, 2018

Lugar: IES Politécnico, Vigo 

PROGRAMACIÓN:

9.15h Apertura acreditacións*

10h Apertura xornadas

10.15-11h Ponencia Achegamento á Diversidade afectiva-sexual e de xénero 

                 Elisabet Pérez Costas

                 Raquel Cordeiro Ferreira

11-12.15h Ponencia Educar na diversidade para a igualdade. Proxecto “Diversigualdad”

                 María Jesús Guedes

12.15-12.45h Pausa café

12.45-14h Ponencia Transitando cara a diversidade co alumnado trans 

                 Diana Rey

16-17.15h Ponencia Ciberbullying LGTBfóbico. Acoso nas redes, relacións sociais 2.0 e como afrontalas en contextos educativos.
                 Jose Vela

17.15-17.45h Pausa café

17.45-19.30h Mesa experiencias en centros educativos.

      CEIP Plurilingüe Tirán, Marcos Barreira

      IES Politécnico de Vigo, Ana Ojea e alumnado Grupo Apoio LGTB
      IES Castro Alobre, Paloma García e alumnado Grupo Apoio LGTB

19.30-20h Conclusións e clausura.

*Recoméndase acudir con tempo de antelación para acreditarse antes do inicio das ponencias xa que é un proceso lento pero fundamental para poder recibir o recoñecemento de puntos ou a certificación de asistencia.

INSCRICIÓNS: 

Existen dúas modalidades de inscripción:
1-PROFESORADO EN ACTIVO EN CENTROS PÚBLICOS DE GALICIA 
100 prazas 
Inscripción a través do seguinte enlace Inscrición CFR
Referencia do curso V1802031
Instrucións de inscrición 

2- RESTO DE PERSOAS INTERESADAS (profesionais da educación, educadores sociais, estudantes, familias, etc)
60 prazas  Ampliamos a 100 prazas pola alta demanda!
Inscrición a través do seguinte enlace Inscrición aberta

As prazas otorgaránse por orde de inscrición ata o día 20/11/2018

Coñece o noso blog de educación e descarga recursos para traballar na aula:

querosaberporqueblog.wordpress.com

Organiza:

 Subvenciona:

Colabora:

         

Ler máis