Asociación Nós Mesmas

Queda moito por facer para ser Nós Mesmas

Orgullo LGTB Vigo 2018

Nin disfóricas nin incongruentes.

Batukada feminista

Reivindicación

Visibilidade lésbica 2018

Bicada polas rúas do centro Vigo.

jueves, 18 de diciembre de 2014

Galicia sumase á acción estatal contra a exclusión da reprodución asistida a lesbianas e bisexuais na sanidade pública

Fuente: www.flickr.com/photos/laraorca/

A asociación Nós Mesmas, colectivo LGTB, piden a la Consejería de Sanidade que inclúa a súa atención na carteira autonómica de servicios complementaria

 A asociación Nós Mesmas únese ás asociacións que conforman a Federación Estatal de Lesbianas, Gais, Transexuais e Bisexuais, FELGTB, para realizar unha acción conxunta en todas as comunidades autónomas trala publicación no BOE, o pasado 6 de novembro, da exclusión do aceso ás técnicas de reprodución asistida a todas as mulleres sen parella varón na Carteira Común do Sistema Nacional de Saúde.

Hoxe, 18 de decembro, coincidindo co día en que se aprobou a Convención sobre a eliminación da discriminación contra a muller, Nós Mesmas pedirá á Consellería de Sanidade da Xunta de Galicia que ofreza un servizo sanitario libre de discriminación, incluíndo o servizo ás mulleres excluídas na lexislación estatal a través da carteira de servizos autonómica.

Comunidades como Extremadura, Andalucía, Canarias, País Vasco, Cataluña e Asturias xa se comprometeron a que a reprodución asistida siga sendo un dereito para todas as mulleres e non so para aquelas con parella varón, nestas comunidades os colectivos pediranlle aos seus gobernos que o formalicen antes das próximas eleccións.

Na carta, que foi entregada hoxe destinada á Consellería, podese ler que “a saúde, según o conceto que define a OMS, é o estado de benestar biolóxico, psicolóxico e social, e non unha cuestión meramente biomédica, polo que o suposto de incapacidade de procreación das nosas parellas, ou das mulleres soas, tendría cabida na nosa sanidade pública”.

“Se dan razóns económicas para ocultar as ideolóxicas: a exclusión do dereito á maternidade ás familias que non están constituidas por un home e unha muller. Cremos que Rocío Mosquera Álvarez, Conselleira de Sanidade, debe tomar cartas no asunto e protexer a todas as familias en igualdade de condicións en Galicia”, declarau Raquel Cordeiro, representante de Nós Mesmas.


martes, 18 de noviembre de 2014

Curso Iniciación á Talla Madeira, 36h

Abrimos portas a novas temáticas e persoas coas que contacta a Asociación.
Neste caso colaboramos coa cesión do noso local para a impartición dun Curso de Iniciación á Talla de Madeira.

Estás son as características do curso:

36 horas de duración.
Sábados de 10.30 ás 13.30h
Inicio 13 de decembro
Importe total 60€, inclue o material a utilizar.
Imparte David Portela, carpinteiro e ebanista.
Destinatarios: calquera persoa con interese, non son precisos coñecementos previos.

As prazas son limitadas, co fin de que a ensinanza sexa nun grupo reducido e podes inscribirte ata o 5 de decembro mandando un mail a d.portela2010@gmail.com ou contactando co profesor directamente no 610.381.125

Máis sobre o curso:

Para que te prepara?
-Adquirir coñecementos e metodoloxía necesaria para realizar a talla ornamental en madeira.
-Adquirir habilidade e destreza na utilización das ferramentas.
-Tomar contacto cos diferentes tipos de madeira idóneos para a talla e aprender a diferencialos.

Temario:
1. A madeira:
Tipos de madeira idóneos para a talla.
Características, aspecto e recoñecemento.

2.Ferramentas:
Descrición e características das ferramentas e materiais utilizados na talla de madeira.
Uso, seguridade e mantemento.

3. Nocións dibuxo técnico.

Parte práctica do curso:

-Adquirir un bo uso das ferramentas de talla de madeira ata conseguir habilidade e destreza.
-Práctica no afiado e suavizado das gubias.
-Exercicios prácticos para o recoñecemento da veta e sentido da madeira.
-Iniciación a talla a través dun primeiro exercizo bidimensional, para aprender a realizar representacións tridimensionais.
-Realización dun segundo traballo, libre, de elementos ornamentais aplicados ao mobiliario.


lunes, 22 de septiembre de 2014

A bisexualidade no ámbito público, unha mirada a historia

Deixamos aquí un pequeno percorrido das mulleres e homes que o longo da historia fixeron pública a súa bisexualidade, facendo camiño cara a igualdade e a visibilidade bisexual.

Cales máis coñeces?? axúdanos a completar este percorrido






domingo, 14 de septiembre de 2014

Curso CHAPUZILLAS. Obradoiro de pequenas reparacións no fogar.


Dende Nós Mesmas poñemos en marcha un novo obradoiro chamado "CHAPUZILLAS. Obradoiro de pequenas reparacións no fogar", dirixido a calquera persoa que queira aprender a facer pequenos arranxos na súa propia casa sen necesidade de depender dun profesional. O obxectivo é dotar ás persoas asistentes duns coñecementos mínimos en carpintería, ebanistería, fontanería, electricidade...

Realizaráse todos os mércores de 19.30h a 21.30h, dando comezo o mércores 1 de outubro e finalizando o 28 de xaneiro do próximo ano.

Ten un total de 30 horas, que serán abaladas por un certificado expedido pola Deputación de Pontevedra (curso subvencionado pertencente ao Programa Pensa en ti), nas que ademáis de todo o que aprendas poderás traer contigo todas as túas dúbidas ou cacharros que teñas na casa e queiras aprender (ou tentar) a arranxar.

O prezo total é de 10€ que abonarase o primeiro día do curso e realizarase na nosa sede: Porta do sol, 11-Bis, 1º en Vigo.

Podes inscribirte no seguinte formulario:

Para calquera dúbida contacta con Nós Mesmas en info@nosmesmas.com ou nosmesmas@felgtb.org



miércoles, 18 de junio de 2014

Obradoiro autoerotismo feminino, luns 23 ás 20h


Autoerotismo. Un encontro para intercambiar ideas e experiencias, e explorar a relación sexual e amorosa con nós mesmas.

A masturbación é a relación sexual e amorosa máis longa que podemos ter. É a forma de coñecer a nosa propia xeografía, para viaxarnos por pracer e compartir os mapas con quen desexemos. Neste encontro partiremos do proxecto colectivo "Masturbación e Boas Linguas", para intercambiar pensamentos, sensacións, experiencias... Dende unha perspectiva positiva da sexualidade.

Facilitadora: Mai Insua, Psicóloga especializada en sexualidade e xénero; formadora e tapersera en Los Placeres de Lola.

Onde: Casa das mulleres, Rúa Romil, 20, en Vigo.
Cando: Luns 23 de xuño ás 20h
inscrición: DE BALDE E SÓ 15 PRAZAS!! confirma a túa asistencia por correo a nosmesmas@felgtb.org

QUE MÁIS NESTA SEMANA DO ORGULLO??? MIRA AQUI

lunes, 9 de junio de 2014

ORGULLO VIGO 2014 "Polos Dereitos Humanos LGTB"


 PROGRAMACIÓN ORGULLO LGTB VIGO 2014

TODA A SEMANA:
Exposición fotográfica na Praza da Princesa
Exposición Biblioteca Pública Central  Onde??

LUNS 23

12h Izada bandeira LGTB  no Concello de Vigo
20h Obradoiro autoerotismo feminino
Casa das Mulleres Onde??
Facilitadora: Mai Insua, Psicóloga especializada en sexualidade e xénero; formadora e tapersera en Los Placeres de Lola.


MARTES 24
19h Lectura aberta monique Wittig
 Praza da Constiución
20.30h Presentación libro “Sangue doce”
Plaff Onde??

MÉRCORES 25
19h Curtametraxes LGTB “La Pecca Selección”
 Museo Arte Contemporáneo, MARCO Onde??

XOVES 26
19h Mesa redonda “Dereitos sexuais e reproductivos no colectivo LGTB”
Biblioteca Pública Central de Vigo  Onde??




VENRES 27
19.30h Contacontos infantil
Praza da Constitución

SÁBADO 28
20h Manifestación “Polos Dereitos Humanos LGTB”
Saída do cruce Colón con Urzaiz
Amenizada polo Bloquinho Aperta

21.15h Pregón por Beatriz Suárez Briones

21.45h Festa OrgullosX
Actuación de La Prohibida
Dj Pablo Senra


Praza da Pedra Onde??

DOMINGO 29
13h Encontro-xantar  de mulleres, Alcabre
INSCRIBETE POR MAIL: nosmesmas@felgtb.org (asunto "Encontro")


sábado, 10 de mayo de 2014

17 de Maio, Día contra a LGTBfobia

O 17 de maio celebrase o Día contra a LGTBfobia coincidindo co aniversario da eliminación en 1990 da homosexualidade do listado de enfermedades mentas da OMS.

Xa fai 24 anos disto...pero aínda hoxe existen países nos que as leis penan a homosexualidade e a transexualidade, neste ano 2014 "Polos dereitos humanos LGTB" organizamos unha xornada especial na que coñecer máis sobre esta realidade:

Vénres 16 de maio, ás 19.30h na sede: Proxección e debate Documental "Caza al Homosexual" de Jon Sistiaga.

Domingo, 18 de maio: Andaina contra a LGTBfobia
Ruta de senderismo en San Miguel de Oia, de 6 km e de dificultade facil.

Traede as vosas mascotas!

Saída ás 11h do Porto de Canido

Churrascada no monte ao remate!
Despois de camiñar...un bo churrasquiño!! con acompañante, bebida e doce por 10€ co que financiamos o aluguer da sede.

Imprescindible inscribirse!!!! ata o vénres 16 ás 15h (por mail a nosmesmas@felgtb.org, correo de facebook ou tlf)
(entendemos que poda xurdir un problema de última hora, pero pensa que se te das de baixa o mesmo día, son cartos e alimentos que tiramos!)

sábado, 26 de abril de 2014

Porque un día como o de hoxe? 26 abril, día da visibilidade lésbica

Esta semana celébrase o Día da Visibilidade Lésbica, un día no que as mulleres lesbianas, algunhas de nós, as que podemos, vémonos na obriga de saír á rúa, unha vez máis, de romper armarios, de ter que VISIBILIZAR cal é a nosa orientación sexual, que nos gustan e nos sentimos atraídas sexual e afectivamente por outras mulleres.

E porque isto é necesario? Porque temos que facer pública unha parte da nosa vida que non lle tería que interesar a ninguén?

Pois porque, aínda agora, o que non se ve non existe. E as mulleres lesbianas, como sempre pasou ás mulleres noutros ámbitos, vivimos na invisibilidade, nas sombras escuras que negan  o noso pracer, o noso desexo…en definitiva, a nosa sexualidade como mulleres libres de decidir.

Unha vez máis, esta invisibilización débese en parte á violencia estrutural á que os gobernos nos tentan someter. Hoxe queremos denunciar a modificación que o Ministerio de Sanidade vai realizar na Carteira de Servizos do Sistema Nacional de Saúde.

Sabemos que non son amigos da autodeterminación das mulleres sobre a súa maternidade e sexualidade, e igual que queren impedirnos que decidamos como e cando queremos ser nais, coa modificación da lei do aborto,  restrínxenos tamén o acceso ás técnicas de Reprodución asistida ás parellas de mulleres e mulleres soas, baixo o criterio machista, inconstitucional e discriminatorio de protexer en exclusividade ás familias compostas por un home e unha muller.

Con esta medida, o Ministerio de Ana Mato só garante a paternidade cando haxa un home de por medio, xa que se el non está presente as mulleres non temos dereito a reprodución asistida na rede pública gratuíta. Con esta aplicación segada da Lei de Reprodución asistida, as mulleres non somos acredoras dun dereito, senón que só o é a súa parella masculina, quedando as mulleres lesbianas totalmente discriminadas da carteira de prestacións comúns do sistema sanitario público.

Son varias as Comunidades Autónomas que xa anunciaron que non vetarán o acceso a ningunha muller a este servizo (Andalucía, Estremadura, Asturias, País Vasco e Canarias), e decidiron aumentar a cobertura dos servizos mínimos para estes casos nos que a Carteira básica é discriminatoria, por iso demandamos hoxe aquí, á Consellería de Saúde da Xunta de Galicia a inclusión das parellas de mulleres e mulleres soas no acceso ás técnicas de Reprodución asistida, rexeitando esa medida discriminatoria do goberno.


Por todo iso e por moito máis, hoxe saíremos á rúa, aquí en Vigo, reivindicando a nosa condición sexual, facéndoa visible e reclamando o que se nos nega, e porque confiamos en que chegue un día en que todo isto xa non sexa necesario. Mentres tanto, contamos con vós mulleres e homes que estades aquí para facer solidaria á sociedade na nosa loita.

26 ABRIL, RÚA DE PRINCIPE ÁS 20H, ACCIÓN REIVINDICATIVA!
BALEIREMOS OS ARMARIOS!


viernes, 18 de abril de 2014

Día Visibilidade Lésbica


Actividades con motivo do Día da Visibilidade Lésbica en Vigo:

  • Mércores 23 ás 19:30 no local de  Nós Mesmas Proxección do filme "Fire"  
              


  • Venres 25 ás 20h  presentación do libro " Las lesbias (no) somos mujeres." Por Beatriz Suarez e María Xesús Fariñas. Lugar: local Nós Mesmas.
  • Sábado 26 ás 20:00h. en Príncipe: Acción de rúa "Rachando armarios: visibilizaremos que nos invisibiliza!" e porque un día da visibilidade lésbica? e porque teño que ensinarlle a ninguén como vivo a miña vida? e porque sair do armario se para min aquí todo está ben??? ser VISIBLE, rachar cos armarios e celebrar días como este é unha forma máis de exisir que non nos INVISIBILICEN, porque podemos vivir a nosa vida coma nos peta, pero e que pasa cando queremos facer cumprir os nosos dereitos? onde están estes??? reproducción asistida, adopción e filiación de fillxs, protección ante actos lesbofóbicos, atención de calidade na sanidade...son dereitos que perdemos cada vez que non nos miran e non nos facemos mirar, porque non é máis cego o que non ve que o que non quere ver, e isto pasalle aos nosos gobernos, médicxs, maestrxs...EXISTIMOS e teñen que ternos en conta!

  • O sábado faite un selfie saíndo do noso armario ou onde te atopes! soa ou acompañada, VISIBILIZATE! e logo comparteo por redes co hastag #enVigosonVisible na nosa conta @Nosmesmas ou no muro do noso facebook. Mostremos un Vigo Visible!!!

  • Sábado 26 "Cea Tortillera" (despois da acción da rúa, ás 22:00h, local Nós Mesmas) Vamos celebrar xuntas o noso día, que esperemos que algún día non faga falla que exista, pero mentres tanto ademáis de reivindicar nosos dereitos vamos comer unha boa tortilla-da entre outras cousas e ir de festiña  (8€ socias, 10€ non socias, bebida e postre incluídos). Necesario anotarse con antelación ata o xoves 24 por correo ou facebook (Aso Nosmesmas).

Ademáis....o martes participaremos no Cineforum da Rede de mulleres contra os malos tratos que proxectará "La calumnia" e o xoves na concentración que esta organización realiza fronte ao Marco, coa lectura do comunicado onde falaremos da nosa situación.

*Dirección Local Nós Mesmas: Porta do Sol, 11 Bis, 1º Vigo

domingo, 6 de abril de 2014

Concentración por unha lei de visibilidade LGTBI real e efectiva


Hai meses, o PSdG presentou no Parlamento de Galicia unha “Proposición de Lei pola visibilización e non discriminación das persoas LGTB en Galicia”. 
Tras a creba parlamentaria que sufrui a lei baixo a machada do PP,, o resultado é unha LEI BALEIRADA DE CONTIDOS cun nome que induce a engano que se converterá nun documento propagandístico para o PP.

MIra neste blog toda a información e os colectivos sociais que traballamos conxuntamente ante esta problemática, aqui: http://leidevisibilidade.blogspot.com.es/
e asina o manifesto! (como entidade ou individual)

O mércores 9 de abril, apróbase a lei cos votos a favor do PP, PSOE e BNG.

CONVOCAMOS CONCENTRACIÓN DIANTE DO PARLAMENTO DE GALICIA (Santiago de Compostela) DE 11.30 A 12.30h PARA MOSTRAR A NOSA INDIGNACIÓN E POSICIONAMENTO EN CONTRA DA MANIPULACIÓN Á QUE O COLECTIVO LGTBI VÉMONOS SOMETIDXS.

Acude cunha máscara branca en sinal de Invisibilización!!

MANIFESTO COLECTIVO EN CONTRA DA APROBACIÓN DA PROPOSICIÓN DE LEI POLA IGUALDADE DE TRATO E NON DISCRIMINACIÓN DE LGTB EN GALICIA



PRESENTACIÓN, PROCESADO PARLAMENTARIO E RESULTADO:

Hai meses, o PSdG presentou no Parlamento de Galicia unha “Proposición de Lei pola visibilización e non discriminación das persoas LGTB en Galicia. Esta lei foi debatida e emendada polos diferentes Grupos Parlamentarios, incluído o Grupo Parlamentario do Partido Popular, con maioría no Parlamento.
Tras a creba parlamentaria á que se someteu esta proposta, na que o PP colaborou con emendas de SUPRESIÓN na súa maioría, o resultado é unha LEI BALEIRADA DE CONTIDOS cun nome que induce a engano que se converterá nun documento propagandístico para o PP. A modificación parlamentaria transforma o proxecto inicial que avanzaba na protección e garantías non discriminatorias para o colectivo e que foi feito desde o diálogo coas asociacións LGTBI nunha lei “cortina” que non implica ningún avance real nos dereitos das persoas LGTBI. Unha lei esperada e esixida polos colectivos LTGBI moi específica nun principio déixanos, tras as emendas aprobadas, un horizonte carente garantías, de protección, de medidas específicas para visibilizar a diversidade afectivo-sexual, etc.

Pode resultar rechamante que hoxe non apoiemos esta proposta de lei, pero queremos denunciar que este articulado É UNHA FARSA, un completo engano no que nos quere meter o PP co seu dobre xogo: votando a favor dunha lei aparentemente igualitaria á que previamente privaron de calquera efectividade real/práctica introducindo modificacións como as seguintes:
  • Suprímese o art. 3 de definición das categorías que son obxecto da proposta de lei (orientación sexual, identidade de xénero, sexo, xénero, lesbiana…).
  • Elimínase o art. 6 sobre inversión da carga da proba, que obriga a quen discrimina a probar que non discrimina.
  • Desaparece o art. 14 de creación de protocolos de actuación ante agresións.
  • Óbviase o Título III sobre o réxime sancionador, con esta eliminación aínda que se dean agresións ou actitudes LGTBIfóbicas non serán sancionadas.
  • Elimínase o art. 11 no que se establecen medidas específicas para o tratamento nos Centros Penitenciarios, fundamentais no tratamento das persoas transexuais.
  • Evítanse referencias explícitas a articular pola igualdade de diversidade afectivo-sexual ou LGTBI, diluíndose a especificidade LGTBI no ámbito da igualdade xeral e invisibilizando ao colectivo dentro da súa propia lei.
  • Omítese deliberadamente calquera tipo de compromiso que obrigue á Xunta de Galicia a establecer medidas concretas como a creación de servizos de información, a creación dun observatorio, realización de protocolos, etc, quedando todo o articulado nunha simple e non comprometedora declaracións de intencións e recomendacións pola igualdade.
En pleno século XXI, en Galicia as persoas LGTBI son vítimas de discriminación, crimes de odio, de invisbilización sistemática en educación, sanidade, emprego ou nas diferentes administracións públicas (policía, rexistro civíl, centros penitenciarios...) acentuándose isto en contornos rurais.
As obrigas legais que os Estados teñen para protexer as persoas LGTBI fronte a estas situacións, non son diferentes das que poidan ter outros colectivos. Débese garantir o cumprimento dos Dereitos Humanos para todas as persoas procurándolles protección nos casos de discriminación, abuso ou violencia. Para chegar a este cumprimento ten que haber leis concretas para colectivos específicos, debe existir unha lei de visibilidade e non discriminación que aborde as necesidades dun colectivo como é o LGTBI, ata o de agora desprotexido.

Organismos, asociacións e activistas pola defensa dos Dereitos das persoas LGTBI:

Queremos DENUNCIAR PÚBLICAMENTE a violencia institucional á que as persoas LGTBI nos vemos sometidas co que agora se chama “Proposición de Lei pola Igualdade de Trato e Non Discriminación de lesbianas, gays, transexuais e bisexuais en Galicia”. Unha proposta de lei cun nome enganoso que invisibiliza e desprotexe os dereitos do colectivo LGTBI con unhas falsas medidas políticas, lexislativas ou xudiciais, que pretenden empregar os partidos políticos como moeda de cambio para captar votos e “abandeirarse” na loita pola igualdadeaprobando unha proposta BALEIRA DE CONTIDOS que deixaría as persoas LGTBI nun limbo legal cunha lexislación que nada lexisla.
ESIXIMOS a implicación de toda a sociedade, e en especial dos partidos políticos galegos, cun COMPROMISO REAL E EFECTIVO COS VALORES DE IGUALDADE E NON DISCRIMINACIÓN ante a aprobación desta FALSA LEXISLACIÓN POLA VISIBILIDADE E NON DISCRIMINACIÓN LGTBI recordándolles que votar a favor da súa aprobación é contribuír a pexar o AVANCE REAL EN MATERIA DOS NOSOS DEREITOS. INSTAMOSa que os partidos políticos da oposición NON SEXAN CÓMPLICES DESTA PANTOMIMA.

POR TODO O EXPOSTO ATA O MOMENTO,
AS ORGANIZACIÓNS E PERSOAS ABAIXO FIRMANTES consideramos imprescindible mostrar a nosa unión e posicionamento en contra da manipulación á que o colectivo LGTBI se ve sometido coa aprobación desta proposta de lei por parte do Goberno e dos partidos políticos que pretendan apoiala.
ESIXIMOS un compromiso real ante a loita contra a LGTBIfobia e pola igualdade social que se traduza en medidas lexislativas, políticas e administrativas con repercusións REAIS na sociedade.
REIVINDICAMOS o dereito de sermos escoitadas e escoitados e tidos en conta á hora de lexislar CO pobo e non só PARA o pobo.
E EXHORTAMOS aos grupos da oposición do Parlamento de Galicia, que NON VOTEN a favor desta “proposta de lei pantasma” da que o Partido Popular se apropiou e transformou en mero papel mollado.
Só o Partido Popular podería invisibilizar cunha lei de visibilidade.”

martes, 18 de marzo de 2014

Argumentos en defensa da Lei pola visibilidade e non discriminación de lesbianas, gais, transexuais e bisexuais en Galicia.


Dende o PSOEdeG preseutouse ao Parlamento de Galicia a "Lei pola visibilidade e non discriminación de lesbianas, gais, transexuais e bisexuais" da que levamos sendo coñecedoras dende fai anos, cando comezou a tomar forma, e sobre a que demos a nosa opinión cando aínda era un borrador.

Esta proposta de lei foi amplamente aceptada entre todos os Grupos Parlamentarios, así como debatida en comisión na presentación de enmendas dos Grupos para a súa mellora.

A sorpresa de todxs cal foi? que o GP do PP, no canto de votala abaixo simplemente coa súa maioría, presenta enmiendas a mesma, vaciandoa de contido, eliminando todo aquel artigo que ficaba demasiado igualitario, diverso, esclarecedor da realidade do colectivo LGTB da Galiza e tamén aqueles que establecían un mínimo compromiso e obrigatoriedade para as Administracións públicas ou de xustiza.

Cheganto ao punto de eliminar, incluso, as definicións que la anteproxecto de lei faise sobre a diversidade sexual e as diferentes orientacións e identidades. INVISIBILIZANDO ATA NUNHA LEI DE VISIBILIDADE E NON DISCRIMINACIÓN.

E por esta razón, para dar a coñecer cal é o noso posicionamento e facer fluir a información polo que vos achegamos o noso argumentario de defensa desta lei.


Nos próximos días, quizais algo máis, farase pública a data da votación da lei no Parlamento e convocaremos a toda aquela persoa ou entidade que defenda a igualdade, a un acto de protesta fronte o Parlamento Galego. Estade atentxs ás redes!!

Quedamos abertas a calquera proposta de acción, apoio ou suma.
nosmesmas@felgtb.org
627736965 (whatsapp ou sms)