Servizo gratuito de Orientación Social e Laboral

Ler máis

Estreo film Nove de Novembro e coloquio con Lázaro Louzao

Dentro da Programación do Orgullo LGTBIQ+ Vigo 2018
disfrutaremos do filme Nove de Novembro, primeiro de temática LGBT  rodado en galego.

O evento, coorganizado cos Multicines Norte, contará coa presencia do Director, Lázaro Louzao, co que se manterá un coloquio ao final da proxección.

O film protagonizado por Ademar Silvoso e Brais Yanek, tivo un orzamento de só 30.000 euros e foi financiado parcialmente a través dunha campaña de crowdfunding, ademais, o seu estreo non estivo exento de polémica, disto e de moito máis falaremos en persoa co director.

Para non quedar sen ela, poderás mercar as entradas, cerca da data, en:
https://www.reservaentradas.com/cine/pontevedra/multicinesnorte/

Ler máis

Noite Drag, participas?

O próximo sábado, 2 de xuño desde as 12 da noite no Mogambo, terá lugar a nosa primeira:

NOITE DRAG

Unha noite de festa, diversión, música... na que o transformismo será o protagonista!!

Seleccionamos a un máximo de 7 participantes dragqueen e dragking, que queiran amosar a súa arte enriba dos escenarios cun tema a súa elección e que serán avaliados polo xurado e o público.

Os únicos requisitos son ser maior de idade e que a actuación non reproduza condutas machistas, sexistas ou lgtbfóbicas.

Se queres deslumbrar coa túa actuación ou queres máis información, escríbenos co asunto "Noite Drag" a nosmesmas@felgtb.org 

Ler máis

Orgullo LGTBIQ+ Vigo 2018

10 anos de OrgulloS, 10 anos de Orgullo.  

Nós Mesmas organiza o seu 10º Orgullo na cidade de Vigo 

 O 28 de xuño representa loita, reivindicación, rutura co sistema opresor, visibilidade, diversidade, dereitos humanos e empoderamento.

Por todo isto, dende Nós Mesmas organizamos de forma colectiva e asamblearia e autoxestionada case por completo, diferentes actos en todo o mes de xuño que recollen esta diversidade, esta loita e esta celebración do pulo e da valentía que tiveron moitas antes de nós e que seguimos tendo, a diario, cando transgredimos a norma da cisheteronormatividade imposta.

Subvenciona

POR UN ORGULLO LGTBI+ EN VIGO, + DIVERSO E +REIVINDICATIVO

Mentras rematamos a programación definitiva, vos imos deixando aquí o programa provisional, iremos actualizando pouco a pouco marcade as datas na axenda que este ano temos un mes de xuño cargadiño de ORGULLO E REIVINDICACIÓN!!

Clica na imaxe para saber máis sobre a Noite Drag do 2 de Xuño, no Mogamobo:

Contamos coa coorganización de:

Contamos coa colaboración de: 

Ler máis

Fotos Bicada Lésbica e mesa de experiencias, Día da Visibilidade Lésbica 2018

Aquí poder ver algunha das fotos da bicada polo día da Visbildiade Lésbica, moitas grazas a todas as que participaron na bicada!

Ademais, o 28 de abril tivemos a mesa de experiencias Lesbiana E Artista no Pub A Galería Jazz, onde nos acompañaron as grandes:

Montse SorBeata no papel de gran presentadora, lesbiana visible.

María Álvarez Hortas, alias Yupiyeyo, ilustradora, presntándonos o seu traballo en banda deseñada.

Alba Rubín, fotógrafa, abriunos o seu peculiar album de fotos da súa vida.

Tivemos a sorte de rematar co concerto das compañeiras Georgina e Maria, podes ver un anaquiño aquí:

https://www.facebook.com/asociacionnosmesmas/videos/1618560631597443/

Ler máis

Actos e manifesto Visibilidade Lésbica, 2018

Hoxe é 26 de abril, día da Visibilidade lésbica. 

Saíremos hoxe a rúa, con bicos reivindicativos e sabendo que teremos que explicar porque temos que visibilizarnos, porque temos que saír a rúa e bicarnos en espazos públicos como algo reivindicativo, en moitos casos, comentarios respaldados baixo un "se tedes os mesmos dereitos".

Pois non, nin temos os "mesmos dereitos" nin esta sociedade heteropatriarcal acolle a diversidade. Por isto e por todo o seguinte, hoxe daremonos moitos #BICOSVISIBLES:

-Visibilizar unha realidade que a diario se invisibiliza, ocultándoa e negándoa baixo a imposición da heteronormatividade.

-Por fin a discriminación e desigualdade no acceso aos tratamentos de reproducción asistida na Sanidade Pública en todo o Estado.

-Garantir a filiación das crianzas das parellas de mulleres sen a necesidade de contraer matrimonio previamente, así como a filiación sen ter que demostralo cunha documentación clínica.

-Garantir por lei a existencia de protocolos así como formación específica e adecuada do persoal sanitario. Maior compromiso no fomento e na protección da saúde sexual das mulleres que teñen sexo con mulleres. 

-Garantir por lei a formación do persoal docente en Diversidade Afectivo-Sexual, de xénero e familiar.

-Contribuir na construcción dunha sociedade diversa, alonxada deste modelo cisheteropatriarcal, defendendo de forma global os dereitos humanos, para promover medidas que acaben coa discriminación e persecución das mulleres que teñen sexo con mulleres.

Ler máis

Cara fresca, mesmos valores #SempreNósMesmas

Cara fresca, mesmos valores #SomosNósMesmas

Queremos presentárvos a nosa nova imaxe. 

Este cambio de logo recolle o testigo destes 10 anos de loita polos dereitos das mulleres LBT, 10 anos de reivindicación polos dereitos e a igualdade das persoas LGTBI e 10 anos de visibilidade. 

Feminismo, sororidade, compromiso, liberdade, empoderamento, horizontalidade, apoio mutuo... son conceptos que nos definen e que compartimos a diario con todxs xs que formamos Nós Mesmas agora e que pasaron nalgún momento por aquí.

Xs de agora e a todxs xs que estivestes algunha vez.............GRAZAS! 

Por axudarnos a construír o que somos, por creer que sumando forzas chegamos máis lonxe e por contar con Nós Mesmas para todo o que está por chegar!

Compartimos un video moi cortiño destes 10 anos :) 

Vémonos nas rúas!  

Ler máis