Encontro Dixital no Faro de Vigo ~ Asociación Nós Mesmas

O venres tivemos o encontro dixital cós lectores do Faro de Vigo, deixamos aqui a transcripción por quen non puidese participar:

Encontro dixital

Nós Mesmas, e quen somos?

A Asociación Nós Mesmas é unha organización feminista que nace en 2008 da man dun grupo de mozas novas e que se plantexaron como obxectivo contribuir a construcción de vías alternativas de pensamento para acadar as condicións necesarias para o exercicio e pleno disfrute por parte das mulleres lesbianas, bisexuais e transexuais dos seus dereitos.

Todo isto en que se traduce?

Traducese nun grupo aberto e cambiante de persoas, cada unha cos seus propios criterios sobre cales son os temas que máis nos afectan, pero dende o traballo asambleario e horizontal, buscamos puntos en común, respetando as nosas diferencias.

Queremos facer, crear, aportar ideas e accións para erradicar a discriminación que segue existindo contras o colectivo LGTBI, e sobre todo, as mulleres lesbianas, bisexuais e transexuais na Galiza e no mundo.

Levamolo a cabo mediante accións sociais nacidas e impulsadas por as propias participantes que rachen có patriarcado e o cisheterosexismo social e nos empoderen co fin de rematar coa violencia social e institucionalizada contra as mulleres lesbianas, bisexuais e transexuais.

Queremos facer, crear e aportar ideas e accións por que se non nos facemos ver e oír, segueremos sen avanzar, e queda moito camiño por percorrer!!!

Asociación Nós Mesmas

lunes, 8 de noviembre de 2010