Plan de Formación en Diversidade Afectivo-Sexual e de Xénero para Educación Secundaria

 Achegamonos a secundaria con novos obradoiros co fin de despexar dúbidas, fomentar o autocoñecemento e sensibilizar ante a diversidade.

 Para este 2024-2025 non temos propostas pechadas de obradoiros para secundaria, xa que a diversdiade que nos atopamos entre uns cursos e outros do mesmo nivel, incluso dentro do mesmo IES é tremenda! 

Polo que vos propoñemos impartir sesións adaptadas ás necesidades ou intereses que detectedes. 

Facer obradoiros "a carta" escollendo desde a duración aos contidos. 

Segundo se na vosa aula/centro xa teñen traballada a DASeX previamente ou exista unha circunstancia  a abordar esperámos que nos digades a idea de contidos que pensades que precisan traballar ou cos que queredes que teñan contacto, por exemplo:

-Achegamento a que é a diversidade afectivo-sexual e de xénero e o respecto á mesma

-Afondar na realidade das adolescencias/persoas trans

-Coñecer referentes LGTBI+ para a mocidade

-Coñecer ferramentas para detectar a discriminación LGTBIfóbica e razoar sobre as razóns e as consecuencias da mesma.

-Coñecer o percorrido historico da conquista dos dereitos para as persoas LGTBI

-Calquera outro que sexa do voso interese

A metodoloxía que seguimos é a través do xogo, apoiandonos en recursos audiovisuais e no debate de grupo.

Se tes dúbidas, precisas que te fagamos unha proposta concreta ou queres pechar datas, escríbenmos a nosmesmaseducacion@gmail.com estaremos encantades de axudarvos!

Ler máis

Plan de Formación en Diversidade Afectiva-Sexual, de Xénero e Familiar para Infantil e Primaria 24-25

Coñece a nosa nova oferta formativa para o curso 2024-2025 dirixida a alumnado de Educación Infantil (segundo ciclo) e Educación Primaria.

Se a natureza é diversa....a diversidade é natural!!!

Como cada inicio de ano, contactamos cos centros escolares para facervos chegar unha proposta única, innovadora e divertida, coa que achegar a diversidade afectivo-sexual, de xénero e familiar ao voso alumnado. 

Ainda que repetimos algún dos nosos obradoiros (os obradoiros "estrela"), como Bolechas ou Piratrans Carabarco, temos moitas propostas novas, máis dinámicas, utilizando o xogo como ferramenta educativa e como sempre, adaptables a realidade do voso centro e do voso alumnado.

Para máis información ou solicitar datas, escríbenos a nosmesmaseducacion@gmail.com

 

Ler máis

Mocidade LGTBI+, presente!! Comeza unha nova edición

 

Que te ofrecemos?

Un espazo seguro, onde ser ti misme e poder resolver as túas dúbidas, recibir asesoramento sobre as cuestións que te atañen, ser acompañade nos trámites que precises, etc. 

Ademais de poder participar no Grupo de apoio Entre Iguais, onde coñecer máis xente nova LGTBI+, falar e debatir das túas inquedanzas.

E que tramamos?

Posi temos preparados diferentes encontros de debate, obradoiros e noites de lecer alternativo!!!

Este proxecto o desenvolvemos de setembro a decembro, así que moi atente ás nosas redes sociais para coñecer as actividades, datas e proceso de inscrición!! 

Contaremos con Nuria Vil, Nenaza e Nee Barros entre outres! Non volo perdades!

Este proxecto está parcialmente financiado pola: 

Ler máis

🌸 Para Nós: Servizo de atención integral a mulleres LBT

En setembro de 2024 continuamos co noso programa pensado para acompañar, coidar e apoiar ás mulleres lesbianas, bisexuais e trans (LBT) que o precisen: “Para Nós”, un servizo integral de atención desde unha perspectiva feminista e interseccional.

Este programa busca ofrecer un espazo seguro e profesional onde atender as diferentes necesidades das mulleres LBT, recoñecendo a súa diversidade e as múltiples realidades que atravesan.

📌 Que inclúe o programa?

• 🧠 Atención psicolóxica individualizada para acompañar procesos persoais e emocionais.

• 👩‍👩‍👧 Mediación familiar, para facilitar a comunicación e a resolución de conflitos no entorno máis próximo.

• 👩‍💼 Asesoramento social e laboral, para apoiar no acceso a recursos, dereitos e oportunidades profesionais.

• ⚖️ Asesoramento xurídico, co obxectivo de resolver dúbidas legais e garantir a defensa dos dereitos.

📅 Calendario de posta en marcha

• Setembro 2024 → Inicio da atención psicolóxica e mediación familiar.

• Xaneiro 2025 → Incorporación do asesoramento social e laboral.

• Maio 2025 → Posta en marcha do asesoramento xurídico.

💬 Un espazo seguro para mulleres LBT

Con “Para Nós” queremos construír un servizo que non só dea resposta ás urxencias e ás necesidades prácticas, senón que tamén sexa un lugar de coidado, empoderamento e acompañamento.

✨ Se queres máis información ou acceder ao servizo, podes poñerte en contacto con nós a través do correo electrónico 📩 nosmesmaspsicoloxia@gmail.com ou seguir as nosas redes sociais para estar ao día.

🙌 Financiación

Este programa é posible grazas á subvención a entidades de iniciativa social para programas dirixidos a mulleres en situación de especial vulnerabilidade, financiado pola Unión Europea – Fondos Europeos e pola Consellería de Política Social e Igualdade da Xunta de Galicia.

 

Ler máis

Formación en Competencias Dixitais

                                        

Neste de mes de agosto non paramos! 

Podes inscribirte na Formación en Competencias Dixitais, de 60h totais de duración e composta por 3 módulos. 

Podes inscribirte só no módulo ou módulos que máis te interesen (cada módulo ten unha duración de 20h, terás a maiores horas de traballo na casa) e serán impartidos pola academia Aula Estudio.

A través desta formación, que será dinámica e divertida, aprenderás un mellor uso do teu móbil, ordenador ou tablet para sacarlle un mellor partido! 

Desde coñecer todas as funcionalidades do correo electrónico, aprender máis sobre seguridade online para protexer os teus datos e as túas compras, a obter as claves e certificados dixitais das diferentes administración para poder realizar os trámites precisos (solicitude de axudas como a IMV ou a axuda de aluguer, obtención da vida laboral...) ou a coñecer o funcionamento da app É-saúde do Sergas, entre outros contidos interesantes!!

Accede o enlace e inscríbete!! 

https://forms.gle/fW2VpHNSg3R3W4Ky6

Esta formación a executamos dentro do programa Para Nós, Servizo de atención integral a mulleres LBT, coa financiación:

Ler máis

Orgullo Crítico LGTBI+ Vigo 2024

 

🏳‍🌈🏳‍⚧ORGULLO CRÍTICO LGTBI+ VIGO 2024🏳‍⚧🏳‍🌈

✊Unión, loita e reivindicación! 

Ante un panorama social e político que ignora, invisibiliza e ata criminaliza a diversidade sexual e de xénero  que racha coa normatividade imposta, alzamolo puño e brindámonos apoio!

🏳‍🌈Un ano máis facemos Orgullo! 

Orgullo polas que non poden visibilizarse! 

Orgullo polas que o fixeron antes que nos!

Orgullo polas que son excluídas e deixadas de lado!

Orgullo por todas, todos e todes es que avanzamos cara un mundo no que non existan "os outros"!

O vindeiro sábado 1 e ata o 29 de xuño disfrutaremos en Vigo dunha programación polo Orgullo lgtbi social, diversa e reivindicativo!

Avante LGBT+ Vigo e Nós Mesmas xunto a Asociación Codimo do Morrazo, Grupo Biguesas, Amnistia Internacional Vigo,  Artika Cultura e Arte,  Vacaburra,  Multicines Norte , La Pecca e  DeFrente LGTBI  traballamos man a man para achegar o noso orgullo a toda a cidadanía. 

Coloquios, actuacións, proxeccións, encontros, festa e por suposto, MANIFESTACIÓN o sábado 29 saíndo do cruce dos Choróns, esperámosvos!

         💙💜🩷   💛🤍💜🖤   🩷🩷🤍🧡

Todo isto o facemos desde a autofinanciación e a colaboración social, non contamos con apoio nin subvención do Concello de Vigo nin de outra entidade pública, polo que temos unha campaña de recadación de fondos aberta a través de Instagram, cunha transferencia no noso número de conta ES50 0049 1788 2623 9001 3927 ou a través de PayPal neste enlace: https://www.paypal.com/donate/?hosted_button_id=ZYZ6LF24BBGXY Donativo en PayPal

Ler máis

Crowdfounding Orgullo Crítico LGTBI+ Vigo 2024

 

ORGULLO CRÍTICO LGTBI+ VIGO 2024

Este será o 16º Orgullo que desde Nós Mesmas organizamos en Vigo.

Como cada ano, o traballo e a implicación que hai detrás da programación de actos culturais, sociais e reivindicativos é moito maior do que se pode imaxinar, activismo, voluntariado e solidaridade construen cada acto, cada actividade e son as únicas razóns polas que se consigue encher a rúa cunha manifestación que visibilice a diversidade real e cunha festa final na que disfrutarnos, vivirnos e ocupar os espazos cos nosos corpos, as nosas formas de ser, de vivir e de amar.

Cada ano, as dificultades aumentan, os requisitos legais e a burocrácia a cumplir é maior. Pero o apoio por parte das institucións nin tan sequera podemos dicir que non medra, temos que dicir que segue sendo INEXISTENTE.

Nos últimos anos solicitábamos a subvención da Concellería de Igualdade do Concello de Vigo para actividades a realizar pola igualdade, cun máximo a recibir de 3000€ (de aí que o logo do Concello de Vigo e da Concellería constase na cartelería do Orgullo) sendo o coste total ata 4 veces maior, cartos que autofinanciabamos (e sexamos conscientes, para unha cidade como Vigo, unha inversión de 12000€ nunha programación de actos dun mes, non é elevada e tamén teñamos en conta o traballo se fai desde o voluntariado e incluso moitas persoas profesionais realizan intervencións con coste baixo ou incluso de balde) e estamos falando só da parte de inversión de Nós Mesmas, temos as compas de @avantevigo coa súa programación tamén!

Este ano, ante os requisitos legais (vémonos na obriga de instalar 4 baños públicos) solicitamos apoio por parte do Concello para que se encargasen desa instalación, solicitamos moitas xuntanzas, trasladamos a nosa preocupación, o noso hartazgo de brear cada ano con cero apoio para conmemorar o Día do Orgullo e facer de Vigo unha cidade diversa e inclusiva e solicitamos a súa implicación poñendo de exemplo tamén a implicación dos gobernos locais de moitísimos concellos de Galicia para sacar adiante Orgullos na súas comarcas.

Pero de nada servíu. (a súa proposta foi que quedabamos exentas da obriga dos baños se contábamos co convenio con hosteleiros da zona da Porta do Sol que deixaran entrar aos seus baños sen consumir nada a toda a xente da manifestación e da festa durante toda a duración da mesma, e sempre que contásemos, alo menos, con 4 baños "en prestamo" sendo un adaptado)

Ante esta situación, e con 16 anos de cansacio de loitar contra un muro e de ter o sentimento de que para o Concello de Vigo é totalmente indiferente a conmemoración do Orgullo LGTBI+, plantexámonos moi seriamente desbotar todo o traballo que xa temos organizado (mesas redondas, proxeccións, convivencias...) e non facer nada polo Orgullo en Vigo.

Finalmente, desde Nós Mesmas decidimos seguir para diante cos actos que poidamos, coa manifestación por suposto e coa festa posterior e non solicitar a subvención de igualdade co fin de non facer ese lavado de cara ao Concello de Vigo, trasladarvos a situación e solicitar, ademais de comprensión por non ter aínda nada publicado, o apoio económico que cada quen poda brindar.

Abrimos en Instagram  recaudación de fondos para financiar o Orgullo Crítico LGTBI+ de Vigo xa que non ten comisións de ningún tipo, tamén deixamos o noso número de conta por se alguén prefire facer unha transferencia ES5000491788262390013927, podes achegarte pola sede e facer o teu donativo en metálico, ou utilizar o seguinte botón de Paypal para facer unha donación: 

Dona a través de PayPal

Estamos aquí para responder calquera dúbida que poida xurdir, queremos ser transparentes con todo o acontecido así como co que recademos e o seu uso.

E igualmente, podes colaborar difundindo a nosa petición ou achegándote para ser parte do voluntariado, teremos moito que facer e cantas máis mans mellor!

Ler máis

Atención psicoloxica e xuridica de balde

Xa comezamos coa Atención Psicolóxica e a Asistencia xurídica en Nós Mesmas, dentro do programa "Para Nós: Servizo Integral para mulleres LBT". 

A atención psicolóxica pode ser individual ou mediación en caso de que haxa problemas familiares ou relacionais. 

Este será o voso espazo seguro para expresar tódalas vosas inquedanzas, problemas, perdas, dós, e calquera cousa que vos pese.

No caso da asesoría xurídica, brindarase para aquelas circunstancias precisas b¡vencelladas á orientación sexual ou a identidade de xénero, como o apoio na solicitude de trámites, escrítos de reclamacións, ante un caso de discriminación, acoso ou agresión por LGTBIfobia...

A atención é gratuíta e levarase a cabo de mañá luns, mércores e venres, e de tarde martes e xoves no noso local en Rúa Conde de Torrecedeira, 19 con cita previa.


Podes contactar coa asociación nos teléfonos 627736965 ou 772286300, directamente co servizo de psicoloxía no email nosmesmaspsicoloxia@gmail.com ou cun correo a nosmesmas@felgtbi.org para solicitar cita de asesoría xurídica.

Ler máis

Obradoiros "Non sei ligar" de Boca a Boca Educación Sexual

 

Inscripción no link: 

https://docs.google.com/forms/d/e/1FAIpQLSfkhAJ4WZryTINaKQa1akhcflBeptoOBzBzRJ8K_MZzsmC3cw/viewform

Ler máis

Novo proxecto ENRAÍZO: Horta Comunitaria Terapéurica

 

 

Xunto coa Asociación Villa Caótica  damos inicio a un novo proxecto ENRAÍZO.

Utilizaremos a hortoterapia e o valor terapéutico das plantas como beneficio persoal. 

Cultivar unha horta axuda a manter ás persoas activas físicamente, fomenta as saídas a espacios exteriores e crea hábitos saúdables. Ademais, ter un ser vivo ao teu cargo, que require coidados como o rego, a poda, o abono, etc favorece a autonomía e o desenvolvemento das persoas. 

Ademais, ao tratarse dunha horta colectiva, créanse vínculos entre as diferentes participantes e resulta ser unha forma moi saubdable de socializar, limitando o aillamento que sufren moitas persoas LGTBI que atravesan procesos persoais complexos ou incluso depresión ou otras situacións que poden afectar a nosa saúde mental.

Comezaremos o 5 de abril, será un proxecto largo, que requira o compromiso das persoas que queiran participar para coidar a horta, podes sumarte durante as próximas semanas, contáctanos por correo e informámosche! nosmesmas@felgtbi.org

Ler máis

Memoria actividades 2023

 

Despois dun ano de moito traballo, pero tamén de celebración do mesmo, aquí vos deixámola Memoria de actividades do 2023. 

MEMORIA 2023

Ler máis

Para Nós, Servizo de atención integral a mulleres lesbianas, bisexuais e trans.

 

O Para Nós é un servizo integral de atención, orientación e asesoramento socioeducativo, laboral, xurídico, psicolóxico e de mediación familiar, especializado na atención ás mulleres lesbianas, bisexuais e trans e ten por finalidade, ofrecer as estratexias e recursos necesarios para mellorar a súa calidade de vida.

Este servizo desenvolvese na nosa sede en Nós Mesmas, dando atención a mulleres LBT de toda a provincia de Pontevedra, pero tendo en conta que moitas veces o desprazamento é unha dificultade engadida, realizaránse atencións en materia social e laboral nos concellos de Nigrán e Baiona.

Proporcionamos información, orientación e asesoramiento ás mulleres trans e achegados  sobre os seus derechos, exercicio dos mesmos e recursos sociaies adecuados para resolver as súas necesidades, así como orientación en materia de emprego e formación específica para as accións da vida diaria.

Para Nós conta coas seguintes características:

• Servicio gratuito, profesionalizado e confidencial.
• Acollida e información.
• Atención e asesoramento social, derivación e acompañamento a recursos externos.
• Atención psicolóxica individual ou grupal.
• Mediación familiar.
• Sensibilización e formación.
• Orientación laboral.
• Asesoramento a profesionais de outros ámbitos.
• Asesoramento xurídico.

O servizo de atención psicolóxica e de asesoramento xurídico comezará a finais de maio, podes pedir a túa cita por adiantado.

• Imprescindible cita previa, podes solicitala a través de:

E-mail: nosmesmas@felgtbi.org

Teléfono e WhatsApp: +34 722 286 300 ou no +34 627 736 965

O servizo se desenvolverá ata o 31 de agosto de 2024.

Este servizo está financiado: 

Ler máis