Inauguración exposición Rostros e Corpos B

 

Inauguración da exposición Rostros e Corpos B: unha celebración da diversidade e das identidades visíbeis

Onte vivimos un deses momentos que nos lembran por que existe Nós Mesmas: para crear espazos onde a diversidade afectivo-sexual e de xénero non só se respecte, senón que se celebre. A inauguración da exposición “Rostros e Corpos B” encheu a sala de cores, emocións e moitas ganas de compartir experiencias arredor da bisexualidade e das identidades plurisexuais.

Esta mostra nace coa intención de ruptura e reivindicación. A través dunha serie de fotografías a través da camara de Moni  Kuti e a ollada da curadora Paola O. Velasquez e testemuños persoais, “Rostros e Corpos Bi” pon o foco en vidas reais: corpos que habitan fronteiras, rostros que rompen silencios e miradas que reclaman ser recoñecidas máis alá de estereotipos.

Durante o acto de apertura tivemos a ocasión de entrevistar a varias das persoas participantes, que falaron da importancia de construír referentes visíbeis dentro da comunidade bisexual pero tamén da importancia, a nivel persoal que tiña participar nun acto tan visible como este. Tamén abordaronse temas como a bifobia, a hipervisibilización e invisibilización simultáneas, e a necesidade de crear espazos seguros onde todas as identidades poidan sentirse acompañadas.

Como "guinda" para o acto, disfrutamos da marabillosa actuación de Sara Casas en directo, que nos fixo bailar, cantar e emocionarnos.

A exposición estará dispoñible durante as próximas semanas, e desde Nós Mesmas queremos convidar a toda a comunidade a achegarse, gozar da arte e, sobre todo, reflexionar sobre a pluralidade das nosas vivencias.

Esta exposición será itinerante, queremos rachar a bifobia a golpe de visibilidade, polo que se tes interese en que se expoña no teu local/centro social ou centro educativo, contáctanos!

Porque somos moitas, somos diversas e estamos aquí.
“Rostros e Corpos B” é un recordatorio de que cada identidade merece ser vista.

Esta exposición foi posible pola financiación recibida a través do Convenio con Colectivos LGTBI e a Consellería de Política Social e Igualdade da Xunta de Galicia.

Ler máis

+Visibles -Violencia: Visibilidade e Transformación Colectiva

🎉 Anunciamos con ilusión o lanzamento da nova edición de +Visibles – Violencia: Visibilidade e Transformación Colectiva (2025-2026), un programa integral de prevención, atención e visibilización das violencias específicas que sofren as lesbianas*, bisexuais, trans, intersex e persoas NB en Galicia.

Este proxecto ofrece apoio psicolóxico e asesoramento xurídico especializado e incorpora como novidade un mapeo participativo das vivencias e necesidades das lesbianas vítimas de violencia de xénero*, co obxectivo de identificar obstáculos, recoller experiencias invisibilizadas e xerar propostas útiles para mellorar os recursos e respostas institucionais.

Un ano máis, tamén impulsaremos un espazo de visibilidade cultural e política: o II Festival cultural “Bolleras, viciosas, travestis e marimachas: xa non temos medo, temos hachas”, no marco do Día da Visibilidade Lésbica. Será un lugar para o encontro, a celebración e a transformación colectiva a través da arte, a música, a performance e a palabra.

📌 Este programa está financiado pola Eurocentralasian Lesbian Community (EL*C) co apoio da Unión Europea.

👉 Con máis tempo, experiencia e recursos, seguimos construíndo un camiño común: máis visibles, menos violencia.

📧 Para máis información ou contacto: nosmesmaspsicoloxia@gmail.com  //  nosmesmasxuridico@gmail.com

🌐 Síguenos en redes: IG @asociacion_nosmesmas   //  Fb  @asociacionnosmesmas

A EL*C emprega a palabra “lésbica” (L*) como un termo paraugas, amplo e inclusivo, que inclúe a todas as mulleres lesbianas, bisexuais e queer (tanto cisxénero como trans), así como ás persoas non binarias e intersex que se sintan vinculadas coa identidade lésbica e co activismo lésbico. Un activismo queer que loita polas identidades non hexemonicas, utilizando un termo que, aínda en estados como o noso está moi aceptado socialmente, en moitas outras zonas xeopolíticas, está denostado, incluso criminalizado e non é posible mostrarse libremente.
 

Ler máis

A Diversidade +, comezamos!!

Chega A Diversidade +: un programa gratuíto para acompañar, formar e crear comunidade LGBTI+

En Nós Mesmas empezamos o curso con moita ilusión e cun proxecto que nace para fortalecer aínda máis a nosa comunidade. Presentamos A Diversidade+, un programa gratuíto que se desenvolverá entre setembro e decembro, pensado para ofrecer apoio integral a persoas LGBTI+ e para crear novos espazos de encontro, formación e acompañamento.

🤝 Acompañamento e asesoramento social

Sabemos que navegar a vida sendo parte do colectivo LGBTI+ pode ser complexo, por iso en Diversidade+ ofrecemos asesoramento e acompañamento social personalizado, pensado para resolver dúbidas, orientar en situacións de vulnerabilidade e facilitar recursos que melloren o benestar de cada persoa. Un espazo seguro onde sentirte escoitada, recoñecido e acompañada.

⚖️ Apoio xurídico accesíbel: microformacións e A Avogada Responde

O programa inclúe tamén un itinerario de apoio xurídico, fundamental para entender os nosos dereitos e saber como exercelos.

• Teremos microformacións breves e prácticas sobre temas legais relevantes para o colectivo.

• E cada certo tempo realizaremos directos de “A Avogada Responde”, un espazo aberto para facer preguntas e recibir orientación profesional de maneira directa e clara.

☕ Espazos para socializar:  as Tardes de CuirKfé

Sabemos que crear comunidade tamén é crear momentos compartidos. Por iso, unha vez ao mes celebraremos as Tardes de CuirKfé, unha actividade pensada para coñecer xente nova, conversar, compartir vivencias e reforzar vínculos nun ambiente seguro, diverso e acolledor.

⭐ Un programa feito por e para a comunidade

A Diversidade + é un proxecto que quere sumar: sumar apoio, sumar coñecemento e sumar espazos onde sentirnos acompañadas, libres e orgullosas. Todo o programa é totalmente gratuíto, grazas ao compromiso de Nós Mesmas coa construción de redes de coidado reais.

Se formas parte do colectivo LGBTI+ ou queres achegarte á nosa comunidade, estás convidada. Ao longo dos próximos meses iremos anunciando datas e actividades — segue atenta ás nosas redes e ao blog para non perder nada!

Este programa está parcialmente financiado pola:

e pola:

Ler máis

Como nos financiamos?

 

Para poder realizar a labor social que facemos a diario, precisamos recursos, económicos e materiais. Un recurso imprescindible é contar cun espazo onde estar, onde atender, realizar actividades, atoparnos, contar cun espazo seguro...isto é posible pola procura de subvencións que cubren parte do que implica ter un local (aluguer, facturas, seguros...).

Acabamos de coñecer a concesión da axuda dirixida ás asociacións de mulleres para consolidar o movemento asociativo das mulleres galegas, parte da Dirección Xeral de Promoción da Igualdade da Xunta de Galicia. 

Como resultado da convocatoria, contamos cunha subvención de 5000€ aprobada para un gasto executado de 8944,29€-

Cada aportación conta e todas son precisas, podes colaborar asociándote con cotas anuais moi flexibles e cómodas, contáctanos ou asociate directamente no link da parte superior do blog! 

Ler máis

Obradoiros de verán: como mellorar e reparar as nosas relacións

 En Nós Mesmas poñemos en marcha un ciclo de Obradoiros de Verán pensados para mellorar a saúde relacional a través da comunicación efectiva, a asertividade e a resolución de conflitos.

Sabemos que comunicarse non sempre é doado: ás veces falamos de forma moi brusca ou demasiado pasiva, outras veces calamos o que sentimos por medo a molestar, ou fuximos dos conflitos porque non sabemos xestionalos. Estes obradoiros ofrecen un espazo seguro e práctico no que aprender novas ferramentas e poñelas en práctica xunto a outras persoas.

👉 Os obradoiros serán impartidos pola nosa psicóloga, que acompañará o grupo nun proceso vivencial e dinámico.

📌 Calendario de obradoiros

• 15 de xullo | Comunicación Non Violenta (CNV) e escoita activa
  Aprende a expresar necesidades e emocións sen xuízos nin agresividade, ao tempo que desenvolves unha escoita máis atenta e empática.

• 22 de xullo | Asertividade e expresión emocional
  Descubre como comunicarte de forma clara e respectuosa, atopando un equilibrio entre a pasividade e a agresividade.

• 29 de xullo | Resolución de conflitos
  Integra as aprendizaxes anteriores para afrontar desacordos e conflitos dun xeito construtivo, con confianza e novas estratexias.

📍 Información práctica

• Horario: de 11:00 a 13:00

• Lugar: Nós Mesmas, Rúa do Conde de Torrecedeira, 19 baixo

• Inscricións: prazas limitadas → inscríbete a través do noso Linktree ou escribindo a nosmesmas@felgtbi.org

• 💡 Non é preciso asistir aos tres obradoiros, pero se participas en todo o ciclo terás unha visión máis completa e integradora.

✨ Un programa para mulleres LBT

Estes obradoiros forman parte do programa “Para Nós: Servizo Integral de Atención a Mulleres LBT”, no que ofrecemos atención psicolóxica, familiar, social, laboral e xurídica a mulleres lesbianas, bisexuais e trans.

📢 O programa está financiado pola subvención a entidades de iniciativa social para programas dirixidos a mulleres en situación de especial vulnerabilidade, cofinanciado pola Unión Europea – Fondos Europeos e a Consellería de Política Social e Igualdade da Xunta de Galicia.

Ler máis

Un día en Familia, apúntate!

 

🌈👨‍👩‍👧‍👦 DÍA EN FAMILIA NO ORGULLO CRÍTICO! 👩‍👩‍👧‍👦🌈

📍 Monte Vixiador
📅 Este domingo, 15.06
🕐 Ás 13:00h (trae o teu xantar!)
🎨 Con actividades para crianzas a cargo de Ludiland!
📝 Con inscrición previa (escíbenos por correo ou clica aquí)

Este domingo no Orgullo Crítico temos planazo no monte! Subimos ao Vixiador para celebrar un espazo de encontro, xogo e afectos con todas as familias diversas e orgullosas. 👣🌿

💬 Porque as familias LGTBI existen, crían, coidan e loitan.
💬 Porque as crianzas tamén teñen dereito a vivir o Orgullo en liberdade, seguridade e alegría.
💬 Porque sen nós tampouco hai futuro.

✨ Contaremos cun espazo de xogos, talleres e actividades para as crianzas mentres compartimos conversa baixo as árbores.

💬 Trae familia, amizades, bebés, crianzas, parellas, redes de coidados ou simplemente ganas de pasar un día de comunidade diversa no monte. Todo suma!

Actividade financiada a través do Convenio de colaboración asinado coa Consellería de Política Social e Igualdade da Xunta de Galicia para o desenvolvemento de actividades dirixidas ao colectivo LGTBI.

Ler máis

Obradoiro de Creación para un cine queer independente

 

🎬 Obradoiro de Creación para un Cine Queer Independente

📅 7 de xuño ás 12h | 📍 C.S.A. A Nubeira 

Neste obradoiro imos observar, pensar e aproximarnos a unha maneira de facer cine cuir desde as márxenes. Crearemos a nosa historia con outros referentes audiovisuais e compartiremos có resto este relato.

Un espazo para pensar, observar e achegarnos a unha maneira de facer cinema queer desde as marxes.

Imparte: Festival Euforia

✨ Se tes interese en crear desde o disidente, este é o teu lugar. Actividade con inscrición previa, moi poucas prazas!!! Escríbenos un correo para inscribirte ou clica neste enlace.

Actividade financiada a través do Convenio de colaboración asinado coa Consellería de Política Social e Igualdade da Xunta de Galicia para o desenvolvemento de actividades dirixidas ao colectivo LGTBI.

Ler máis

Festival Euforia

 

🌈 Festival Euforia – Proxección e coloquio

📅 7 de xuño ás 18h | 📍 Museo MARCO, Salón de actos

Curtametraxes feitas por creadoris trans e non binarie, seguidas dun coloquio coa dirección do Festival Euforia

🎥 Unha mirada cinematográfica desde as disidencias que non vas querer perder.
🎟️ Entrada de balde, reserva previa para control de aforo, reserva a túa entrada clicando aquí.

Actividade financiada a través do Convenio de colaboración asinado coa Consellería de Política Social e Igualdade da Xunta de Galicia para o desenvolvemento de actividades dirixidas ao colectivo LGTBI.

Ler máis

Coidámonos para construír.

 

🌱 Coidámonos para construír: resumo da primeira sesión de traballo interno

O pasado 16 de maio de 2025, en A Morada (Vigo), celebramos a primeira sesión de traballo interno da nosa asociación no marco do proceso “Coidámonos para construír” guiada por Maio Rosendo. Nesta xornada mergullámonos na análise dos nosos espazos colectivos desde a xeometría grupal, unha ferramenta da Facilitación de Grupos que nos axuda a comprender como se estrutura a nosa organización e como flúe o traballo dentro dela.

🌀 Que observamos?

Durante o exercicio, analizamos os catro espazos dos grupos e identificamos tanto fortalezas como aspectos a mellorar. A reflexión colectiva trouxo á luz varias cuestións importantes:

• Existe falta de estrutura formal, e boa parte das dinámicas de gobernanza e toma de decisións recaen en espazos informais.

• O espazo operativo e de toma de decisións é o que máis presenza ten actualmente na asociación.

• Os espazos de xestión emocional e cohesión, de maneira consciente e estruturada, non están hoxe presentes na nosa dinámica habitual.

Tamén recoñecemos que os obxectivos e valores comúns da asociación están ben asentados: existe un sentir compartido arredor da nosa visión e razón de ser. Porén, vimos que para avanzar con saúde organizacional é esencial coidar tanto os procesos como as persoas que os sosteñen.

💬 Cara a onde imos

A partir deste diagnóstico, o grupo identificou varias necesidades clave:

• Incorporar máis estrutura formal e métodos consensuados de toma de decisións.

• Traballar na xestión emocional e relacional entre as integrantes.

• Seguir indagando e acordando as vías para facer realidade os nosos obxectivos.

Despois dun proceso de reflexión e consenso, decidimos centrarnos na creación dun espazo de xestión emocional e cohesión dentro da estrutura formal da nosa asociación. Entendemos que fortalecer os coidados e as relacións é un paso imprescindible para continuar construíndo colectivamente.

💗 Grazas pola sabedoría colectiva

Esta primeira sesión foi posible grazas á implicación, escoita e sabedoría colectiva de todas as participantes. Queremos parabenizarnos polo camiño compartido e agradecer o esforzo e o compromiso de cada quen co proxecto común que é Nós Mesmas.

Seguimos coidándonos para seguir construíndo 💜

Actividade financiada a través do Convenio de colaboración asinado coa Consellería de Política Social e Igualdade da Xunta de Galicia para o desenvolvemento de actividades dirixidas ao colectivo LGTBI.

Ler máis

Inicia o Servizo de asesoramento xurídico

 

Para Nós incorpora asesoramento xurídico para mulleres LBT

A partir de maio de 2025, o programa “Para Nós” complétase coa posta en marcha do asesoramento xurídico, ofrecendo apoio legal a mulleres lesbianas, bisexuais e trans que precisen resolver dúbidas ou defender os seus dereitos.

⚖️ O novo servizo xurídico abrangue:

• Resolución de dúbidas legais individuais 📄

• Información sobre dereitos en diferentes ámbitos (laboral, vivenda, saúde, familia…) 🏠

• Apoio en situacións de discriminación ou vulneración de dereitos 🚫

Con esta incorporación, “Para Nós” convértese nun servizo integral de acompañamento e atención, ofrecendo cobertura psicolóxica, familiar, social, laboral e agora tamén legal.

✨ Queremos seguir creando un espazo seguro e accesible, onde cada muller LBT atope apoio para afrontar os retos do día a día, e tamén ferramentas para exercer os seus dereitos con forza e confianza.

📩 Para máis información ou solicitar cita, podes escribirnos a nosmesmasxuridico@gmail.com ou seguir as nosas redes sociais.

🙌 Financiación 

O programa “Para Nós” é unha acción financiada pola subvención a entidades de iniciativa social para programas dirixidos a mulleres en situación de especial vulnerabilidade, cofinanciado pola Unión Europea – Fondos Europeos e a Consellería de Política Social e Igualdade da Xunta de Galicia.

Ler máis

SOMOS HYPE! Mocidade LGTBIQ+ con ganas de brillar, loitar e transformar.

 

Somos Hype! é un termo moi popular que utilizamos para expresar entusiasmo, emoción e expectación por algo positivo. E así é este espazo xa que como mocidade LGTBI+ somos enerxía, queremos emocionarnos e expresar(nos) sen tapuxos, nin complexos! 

Este proxecto trata de crear espazos de apoio e benestar, onde tecer redes con máis mocidade, a educación emocional e o autocoidado sexan claves! 

Contaremos con actividades de lecer onde coñecernos e aprender, crearemos campañas de visibilización da realidade da mocidade LGTBI e promoveremos valores de solidaridade, igualdade de xénero e loita contra a discriminación lgtbifóbica.

Se tes entre 14 e 30 anos, participa! podes sumarte a todo ou ben ao que máis te preste!!! 

🎉 Estreamos programación cunha quedada moi top o 23 de maio ás 17h cunhe sexólogue para falar sen tabús, compartir dúbidas, coñecernos e crear redes de confianza 🧠💬💖

🧵 E en xullo… chega o curso de costura máis hype da historia:
🪡 “Puntadas de benestar” → todos os xoves de 12:00 a 13:30 
📦 Faremos unha mochila e un neceser chulísimos para levar á praia, monte ou festival 🎒🌊🌲🎶
‼️ Prazas moi limitadas! Non quedes sen a túa!

📝 Queres recibir info das actividades que imos facer,  vir á quedada ou apuntarte ao curso?
➡️ Apúntate!!! https://forms.gle/6kd9JD8x5JnmtF1c6

As actividades que realizaremos dentro do SomosHype! son todas de balde xa que as financiaremos cunha subvención da Deputación de Pontevedra.

Ler máis

Que ten en común a liberación sexual coa liberación do pobo palestino? Sobre o xenocidio, homonacionalismo sionista e pinkwhasing.

 

O mércores 21 de maio ás 19h convidámoste a unha charla imprescindible onde abordaremos o pinkwashing como estratexia de homonacionalismo empregada por Israel para branquear os seus crimes contra o pobo palestino.

Analizaremos o papel do movemento Queers for Palestine e reflexionaremos sobre a necesidade dunha loita interseccional pola liberación sexual e xustiza global.

🌈✊ Non faltes!
📆 Mércores 21 de maio ás 19h

📍 Sede Nós Mesmas, R/Torrecedeira, 19, Vigo
🗣️ Nono Enrique Santos (elu/el) Master en Sexoloxia e Xénero

Ler máis

Festival LBTIQ+ Bolleras, viciosas, marimachas e travelas, 26 de abril

 PROGRAMACIÓN Festival LBTIQ+ Bolleras, Viciosas, Marimachas e Travelas, Contra a violencia de xénero cara as mulleres LBT e persoas non binarias, 26 de abril  en A Morada, R/Enrique Macias, Vigo

É marabilloso e somos super felices de saber que contamos con:

-O noso Grupo Powerful do proxecto +Visibles - Violencia para contarvos o conseguido nestes meses! 

-O musicón de Eme Dj 

-Delirio e risas aseguradas cos Delirio Sketchs de Cru co elenco acompañando Cata Ukelele, High Paw, Tamy (Laura Merchan) e Mercedes Pezón (Javier Sánchez). 

-Voltaremos unha ollada a adolescencia de moitas con Muller de 6 ollos e o seu Fanzine "Mi nick era humeda" 

-Escoitaremos historias que todas coñecemos con Atenea García e  "Vicio houbo sempre" 

-Botaremos un Bingo pra señoras con espectáculo drag incluído con Aymar Note e o recadado no bingo irá para o noso Bote Solidario. 

ENTRADA NECESARIA, GRATUÍTA, CLICA AQUÍ

Xantar feito por Sukha Funk, opción hamburguesa ou prato mexicano vegano, 10€ IMPORTANTE RESERVA E PAGO ANTES DO  16/04 AQUÍ

Espazo Crianzas xestionado por coidadoras, gratuíto, reserva antes do 16/04, AQUÍ

Ler máis

Inicia o Sevizo de asesoramento social e laboral

 

Para Nós amplía a súa atención: novo servizo social e laboral para mulleres LBT

Dende xaneiro de 2025 o programa “Para Nós: Servizo de atención integral a mulleres LBT” dá un novo paso coa incorporación do asesoramento social e laboral, reforzando así a atención que ofrecemos a mulleres lesbianas, bisexuais e trans.

👉 A través deste novo servizo acompañamos procesos relacionados con:

• Acceso a prestacións e recursos sociais 📑

• Apoio na busca de emprego e orientación laboral 👩‍💼

• Información sobre formacións e dereitos laborais 📚

O obxectivo é facilitar ferramentas que melloren a calidade de vida e contribúan á autonomía persoal e profesional das mulleres LBT, recoñecendo as súas realidades diversas e as barreiras específicas que atopan.

Solicita unha cita previa ou consultanos calquera dúbida no correo nosmesmas@fegtbi.org

🔎 Lembramos que “Para Nós” continúa a ofrecer tamén atención psicolóxica e mediación familiar, iniciadas en setembro de 2024, pide a túa cita no correo nosmesmaspsicoloxia@gmail.com

💬 Seguimos construíndo un espazo de coidados, apoio e empoderamento.

🙌 Financiación

Este programa é posible grazas á subvención a entidades de iniciativa social para programas dirixidos a mulleres en situación de especial vulnerabilidade, financiado pola Unión Europea – Fondos Europeos e pola Consellería de Política Social e Igualdade da Xunta de Galicia.

Ler máis